Ҳарбий хизматни ўташ тартибига қарши жиноятлар Режа

Жиноятнинг объектив томони этиб, ЖК.нинг 283-моддаси 1-қисмида кўрсатилган, бошлиқни калтахланиши, унинг ҳарбий хизмати бўйича ўз вазифаларини бажарилиши билан боғлиқ ёки шу вазифаларини бажариш вақтида унга нисбатан содир этилган енгил ёки ўрта оғирликдаги тан жароҳати кўзда тутилган.
Ҳар қандай ҳарбий хизматчи, жумладан, жабрланувчига буйсунмайдиган ҳарбий хизматчи ҳам жиноятнинг субъекти бўлиши мумкин.
Кўрилаётган модда бўйича қилмишларнинг квалификациялашнинг зарурий шарти этиб, айтиб ўтилган зўравонлик ҳаракатларни ҳарбий хизматдаги ўз вазифаларини бажараётган бошлиққа нисбатан ёки уни ўз вазифаларни бажариш вақтида айбдор томоннинг қаршилик кўрсатмаган ҳолда ёки уни ўз хизмат вазифаларини бузишга мажбурлаган куч ишлатган ҳолатлар тушунилади.
Агарда бошлиққа нисбатан кўрсатилган зўравонлик унга қаршилик билан бирга амалга оширилса, ёки уни ҳарбий хизмат вазифаларини бузишга мажбурлаган бўлса, бу холда айбланувчининг ҳаракатлари ЖК.нинг 281-моддаси қамраб олади ва унга қўшимча ЖК.нинг 283-моддаси қўлланилиши талаб этилмайди.


1.6 Бўйсунувчининг ўз бошлиғини ёки бошлиқнинг ўзига бўйсунувчини ҳақорат қилиши
жинояти учун жавобгарлик
(ЖКнинг 284-моддаси)


Жиноятнинг бевосита объекти – бошлиқ ва буйсинувчининг обру ва ғурурини ҳурмат қилишни таъминловчи жамоат муносабатлари.
Бошлиқ ёки унга буйсинувчи ушбу жиноятнинг жабрланувчиси ҳисобланади.
Объектив томондан жиноят, шундай хатти-ҳаракатлар учун интизомий чора кўрилишидан сўнг, бошлиқнинг буйсинувчини ёки буйсинувчининг бошлиқни ҳақоратлашидир.
Субъектив томондан жиноят, тўғридан тўғри ғараз билан амалга оширилади. Айбдор ўз ҳатти-ҳаракатлари билан конкрет ҳарбий хизматчининг обру ва ғурурини ерга ўраётганлиги, камситаётганлигини англайди ва шу ишни қилишни истайди. Буни англамаган ҳолда эса уни ҳарбий жиноят учун жавобгарликка тортиш мумкин эмас.
Жиноятнинг субъекти бўлиб, хизмат ёки ҳарбий унвони бўйича бошлиқ ёки буйсинувчи бўлиши мумкин.