Ҳасан Абулқосимов Мурод Абулқосимов Соҳибжон Топилдиев

Реал даромад – нарх даражаси ўзгаришини ҳисобга олиб, аҳолининг 
ихтиѐрида бўлган даромадга сотиб олиш мумкин бўлган товар ва хизматлар 
миқдори бўлиб, реал даромад аҳолининг ихтиѐрида бўлган даромаднинг 
харид қувватини билдиради. 
Турмуш сифати – жамият фаровонлиги даражасини намоѐн этувчи ва 
моҳиятига кўра унинг ўлчови ҳисобланувчи тушунча. 
Глобал молиявий-иқтисодий бозор – жаҳон мамлакатлари ўртасидаги 
молиявий-иқтисодий алоқаларни ягона хўжалик тарзида амал қилишига 
асосланган муносабатлар. 
Диверсификация – (лотинчадан diversus- ҳар хил ва facere-қилмоқ, 
бажармоқ) – ишлаб чиқаришнинг самарадорлигини ошириш, маҳсулот ва 
хизматларни сотиш бозорларини кенгайтириш мақсадида тармоқ ва 
корхоналар фаолият соҳаларини кенгайтириш, маҳсулот ва хизматлар 
ассортиментларини кўпайтириш. 
Диверсификация стратегияси – корхона фаолиятини мавжуд 
маҳсулотлар ва бозорлар турини кенгайтириш орқали ривожланиш 
стратегиясидир. Диверсификация стратегияси корхоналарнинг ишлаб 
чиқариш ва тижорат фаолиятини ривожлантиришнинг энг етакчи замонавий 
тенденциялардан бири ҳисобланиб, у орқали корхоналарни бозор шароитида 
вужудга келадиган турли қалтисликларга бўлган рақобатбардошлигини 
оширади. Диверсификация стратегияси – корхоналарда янги маҳсулотлар 

---

404 
линияларини ишга тушириш, қўшма корхоналар тузиш, бошқа корхоналарни 
сотиб олиш ва бошқа турли услубларда амалга ошириши мумкин.
Дивиденд – акционерлик жамияти соф фойдасидан акция эгаларига 
тўланадиган қисми бўлиб, у акционерларга нақд пул ѐки акциялар билан 
тўланади. 
Жаҳон банки – 1944 йилда Халқаро валюта жамғармаси билан бир 
вақтда тузилган биринчи давлатлараро инвестиция институтидир. Банк 
ўзининг фаолиятини 1946 йил 25 июндан бошлаган.