Asosiy qism 1 azotli o’G’it turlari va olinishi

Ammoniy-natriy sulfat - (NH₄)₂SO₄  Na₂SO₄. Tarkibida 16 % azot va 2,5 % atrofida organik qo’shilmalari mavjud bo’lgan, sariq tusli zarrabin modda. Kaprolaktam ishlab chiqarishda chiqindi mahsulot.
Tarkibida natriy tutgani uchun qora va chimli podzol tuproqlarda qand lavlagi va oltingugurt hamda natriyga talabchan butgullilar oilasiga mansub ekinlarni yetishtirishda muhim ahamiyatga ega.
Ammoniy xlorid - NH₄Cl. Ammoniy xlorid soda ishlab chiqarishda oraliq mahsulot sifatida olinadi:
NH₃  CO₂  H₂O  NaCl  NaHCO₃  NH₄Cl.
Ammoniy xlorid suvda oson eriydigan oq zarrabin modda. Tarkibida 24-25 % gacha azot tutadi. Yaxshi fizikaviy xossalarga ega.
Ammoniy xlorid tuproqqa tushgach, uning singdirish kompleki (TSK) bilan almashinish reaktsiyasiga kirishadi:
U tuproqda ammoniy sulfatga nisbatan sekinroq nitrifikatsiyalanadi. chunki tarkibidagi xlor ioni mikroorganizmlar faoliyatini biroz cheklab qo’yadi.
Ammoniy xlorid tarkibida 66,6 % gacha xlor bo’lgani uchun uni kartoshka, tamaki, tok kabi o’simliklar xush ko’rmaydi, g’alla ekinlariga qo’llash yaxshi samara beradi.
Ammoniy xlorid kuzda, shudgor ostiga berilganda, xlor ionlari yuviladi va o’simliklar TSK ga birikkan NH₄ dan bemalol foydalanadi. Buferlik qobiliyati kuchsiz ifodalangan tuproqlarga qo’llashda albatta ohak qo’shish lozim.
Bu guruhga shuningdek, ammoniy karbonat - (NH₄)₂CO₃ va ammoniy bikarbonat - NH₄HCO₃ lar ham kiradi.Ularning tarkibida mos ravishda 24 va 17 % azot mavjud. Ular kimyoviy jihatdan beqaror birikmalardan bo’lgani uchun dehqonchilikda keng qo’llanilmaydi. Samaradorligi ammiakli selitra samaradorligiga yaqin.