Djobber – yirik miqdordagi tovarlarni tez sotib yuborish maqsadida harid qiladigan firma.
Dividend – aktsiya egasining oladigan daromadi bo’lib, aktsiyador jamiyati foydasining bir qismini tashkil etadi.
Diler – birjadagi yoki savdodagi vositachi bo’lgan shaxs.
Diskaunter – rivojlangan mamlakatlardagi uzoq muddat ishlatishga mo’ljallangan tovarlarni arzon bahoda va qo’shimcha xizmatsiz sotiladigan do’kon.
Distribyuter – o’z nomidan va o’z mablag’i hisobiga tovarlarni harid qilib, sotuvchi vositachi. Mollarni ulgurji sotib oladi va chakana savdo firmalari, do’konlarga sotadi.
Ijara – qarzga berish. Bir shaxs yoki korxona, tashkilotning boshqa shaxs, korxonadan mahlum muddatga va mahlum to’lov to’laydigan sharti bilan oladigan mulki.
Imidj – firmanin mavqei, ishlab chiqarayotgan molning, xizmatning sifati, rahbarlarning obro’si haqidagi buyurtmachi va xaridorning fikri.
Import – chet eldan tovarlarni sotib olish yoki boshqa usullar bilan keltirish. Keltirilgan mol istehmol, qayta ishlash, hatto tashqariga sotish maqsadida bo’lishi mumkin.
Investitsiya – kelgusida foyda olish, samaraga erishish maqsadida biror-bir korxonaga uzoq muddatga kapital qo’yish.
Investor – investitsiya bilan shug’ullanuvchi yuridik shaxs yoki fuqaro.
Injiniring korxona – muhandislik maslahat xizmatlarini tijoratchilik qoidalariga asoslangan holda amalga oshiradigan korxona.
Inkasso – molning jo’natilganligi haqidagi hujjatlarni top-shirgan tomon hisobiga to’lovning bankka kelib tushishi va bankning mol jo’natuvchi mijozi hisob raqamiga mablag’ni yozib berishi.
Inflyatsiya – muomala doirasida pulning ko’payib ketishi yoki qadrsizlanishi.
Istehmol savatchasi – mahlum mollar, xizmatlar yig’indisini tashkil etib, bu yig’indi aholi istehmolining tarkibi va darajasini to’liqroq ifodalaydi.
Kapital – bu egasiga daromad keltiruvchi mablag’ va resurs.
Do'stlaringiz bilan baham: |
