Avtomobil transporti muxandisligi

6
9
8
1
3
2
4
5
7
4b
4а
15.2-rasm. Tortish stendining prinsipial sxemasi:
1- zalvon g‘ildirak; 2-yuritma rolik (baraban); 3-tutib turuvchi rolik
(baraban); 4-elektr dinamik tormoz (4а–yakor va 4b-indikotor); 5-
dinamometrik datchik; 6-ko‘targich; 7-tezlik datchigi; 8-mufta; 9-rama

---

102
15.3 Tortish sifatlarini diagnostikalash stendlarining tasnifi
Dinamometrik stendlar transport vositalarining xarakterli tezlik va yuklama
rejimlarini taqlid (imitatsiya) qiladi, asosiy parametrlarni o‘lchaydi hamda agregat va
tizimlarning texnik holatini aniqlaydi.
Yuklash usuli bo‘yicha stendlar ikkiga bo‘linadi:
-
 kuch stendlari: ular yuklama moslamasi bilan jihozlangan va doimiy test
rejimida ishlashga mo‘ljallangan.
-
 inersiya stendlari: ular maxovik massalari bilan jihozlangan va tezlab ketish
test rejimida ishlashga mo‘ljallangan.
Kuch stendlarida g‘ildiraklardagi tortish kuchi, ularning aylanish tezligi,
transmissiya qarshiligi va yonilg‘i sarfini to‘g‘ri uzatmada, berilgan barqaror yuklama
va tezlik rejimlarida, maksimal buralish momenti va dvigatelning maksimal quvvati
rejimlarida o‘lchanadi (16.4-rasm).
Inersiya stendlarida quvvat to‘g‘ri uzatmada, drosselning to‘liq ochilgan holatida,
transport vositasi g‘ildiraklarining burchak tezlanishi hamda tezlab ketish vaqtini
o‘lchagan holda aniqlanadi.
Stendlar asosan transport vositasining bitta yetakchi ko‘prigiga moslab
chiqariladi, konstruksiyasida ikkita yetakchi ko‘prigi bo‘lgan transport vositalari uchun
stend yuklama moslamasi bilan bog‘liq bo‘lmagan qo‘shimcha barabanlar bilan
jihozlanadi. Ular tayanch barabanlari bo‘lib xizmat qiladi.