Автомобиль йўллари

Методы физико-химические улучшения грунтов - тупроқлар хусусиятини яхшилашнинг физик-кимёвий усули - тупроқнинг коллоид-гилли қисмига ва унинг шағал, чақиқ тош билан аралашмаларига термик ишлов бериш, тузлар билан мустаҳкамлаш, гидрофоблаш ва боғловчи материаллар билан мустаҳкамлаш воситасида таъсир кўрсатишга асосланган усул.
Пески - қумлар - ҳар хил бўлакланувчан тоғ жинсларининг катталиги 5 мм гача бўлган маҳсулоти.
Плывуны - қуюқ оқава - сувга тўйинган ва юмшаб суюлиб силжиш қобилиятига эга бўлган қум ва қумдор тупроқ.
Почва - тупроқ - ер пўстининг ўсимликлар ўсадиган унумдор, устки юмшоқ қисми. Тупроқ биосфера, атмосфера ва литосферанинг ўзаро таъсиридан шаклланади. Унинг таркиби ҳар хил минерал, органик моддалардан иборат бўлади.
Сапропель - сапропель - кўллардаги органик минерал ётқизиқлар, балчиқ лойи деб ҳам айтилади.
Солонцы - шўртоблар - дашт текисликларидаги, таркибида натрий бўлган тупроқлар. Улар катта ёпишқоқлик, пластиклик ва кўпчиш хусусиятига эга.
Солончаки - шўрхок - шўр тупроқлар бўлиб, сувда эрийдиган тузларнинг устки қатламидаги миқдори 1% ва ундан ортиқ.
Степень засоленности грунта - тупроқнинг шурхоқлик даражаси - енгил ва ўртача аралашмали тузлар таркибининг мутлақ қуруқ тупроқ массасига нисбатан фоизи.
Суглинки - қумоқ тупроқлар - пластиклик сони 7-17 гача бўлган гилли тупроқлар. Қум доналарининг тузилишига қараб қуйидаги турларга бўлинади: пластиклик сони 7-12 гача бўлган, 40% дан кўп қум доналаридан тузилган енгил; пластиклик сони 7-12 гача бўлган, 40% дан кам доналаридан тузилган енгил чангли; пластиклик сони 12-17 гача, қум доналари 40% дан кўп бўлган оғир; пластиклик сони 12-17 гача, қум доналари 40% дан кам бўлган оғир чангли.
Шунингдек қумоқ тупроқларнинг 20-25% 2 мм дан йирик, сувда силлиқланган доналардан тузилган шағалли ва 20-25% 2 мм дан йирик, ўткир қиррали сувда силлиқланмаган доналардан тузилган чақиқ тошли турлари ажратилади.
Супеси - қумдор тупроқлар - пластиклик сони 1-7 гача бўлган гилли тупроқлар. Қум доналарининг тузилишига кўра қумлоқ тупроқлар бўлинади: 50% дан кўп 2...0,25 мм ўлчамдаги қум доналардан тузилган енгил қумлоқ тупроқлар; 50% дан кўп қумли доналардан тузилган енгил йирик; 20-50% гача қумли доналардан ташкил топган оғир чангли. Шунингдек, қумлоқ тупроқларнинг 20- 50% 2 мм дан йирик сувда силлиқланган доналардан тузилган шағалли ва 20-50% 2 мм дан йирик, ўткир қиррали сувда силлиқланмаган доналардан тузилган чақиқ тошли турлари фарқланади.