Автомобиль йўллари

Опора временная - муваққат таянч - кўприкни қуриш, тиклаш ёки таъмирлаш даврида фойдаланиладиган, хизмат муддати чегараланган таянч.
Опора гибкая - эгилувчан таянч - оралиқ қурилманинг бўйлама сурилишини ўзининг эластик қайишқоқлиги ҳисобига қисман ёки тўлиқ таъминловчи, одатда, катта баландликка эга бўлган таянч.
Опора двухрядная - қўш қаторли таянч - олд томони бўйича икки қатордан ташкил топган, умумий ўрнатмага бирлашадиган қозиқ оёқли таянч.
Опора жесткая - қаттиқ таянч - кўприкнинг бўйлама йўналишида муҳим қаттиқликка эга бўлган, оралиқ қурилмадан ўтказиладиган барча горизонтал юклар ёки кўтарма тупроғи босимини қабул қилишга қодир бўлган ва ўзининг деформацияси ҳисобига оралиқ қурилманинг бўйлама сурилишини таъминлашда иштирок этмайдиган ҳайбатли таянч.
Опора качающаяся - чайқалувчан таянч - учида ошиқ- мошиғи бўлган устун ёки девор кўринишидаги таянч.
Опора массивная - ҳайбатли таянч - ўлчами, одатда, тузилмавий мулоҳазалар бўйича ҳисобланадиган катта ички бўшлиқсиз бетонли таянч.
Опора монолитная - яхлит (монолит) таянч - бевосита қурилиш жойида бетонланадиган, таянч тушадиган юкларни асосга узатиб берадиган, кўприкли иншоотнинг тутиб турувчи элементи.
Опора плавучая - қалқима(сузувчи) таянч - асос бўлиб сув хизмат қилувчи, муваққат кўприкнинг таянчи.
Опора пойменная - қайирдаги таянч - кўприкнинг қайир қисмида, яъни ўртача сув сатҳи чегараси ташқарисида жойлашган таянч.
Опора промежуточная - оралиқдаги таянч - устунлар орасида жойлашган кўп оралиқли кўприк таянчи («Бык» атамасини қўллаш тавсия этилмайди, бу атама фақат қаттиқ ҳайбатли таянчларга тегишли).
Опора пустотелая - ичи ғовакли таянч - тупроққа тушадиган босимни камайтириш мақсадида материал сарфини ва умумий оғирликни пасайтириш учун кўзда тутилган ичи бўш бўлган таянч.
Опора рамная - ромли таянч - ром кўринишидаги темирбетонли ёки ёғочли таянч.