Автомобиль йўллари

Активность цемента - цементнинг фаоллиги - цементларнинг асосий кўрсаткичларидан бири бўлиб, у ўлчамлари 4x4x16 см ли бўлган махсус цемент қоришмасидан тайёрланган таёқчанинг 28 кунда маълум шароитда қотгандан сўнг, эгилишидаги чўзилиши мустаҳкамлиги билан аниқланади.
Активность шлаков - шлакларнинг фаоллиги - майдаланган шлакларни сув билан аралаштиришдан тайёрланган намунанинг сиқилишидаги мустаҳкамлик чегараси билан белгиланади. Шлакларнинг боғловчилик хусусиятлари уларнинг фаоллиги билан ўлчанади.
Амфотерность - амфотерлик - айрим моддаларнинг икки хил хусусият намоён қилиш қобилияти. Мас., СФМ молекулалари қутбли ва қутбсиз моддалар хусусиятини намоён қилади. Қутбсиз қисм нофаол, қутбли гидрофобли қисм эса фаол, куч майдонига эга, углеводород занжиридан ёки ароматик радикаллардан иборат.
Анизотропия - анизотропия - материалларнинг томонлари бўйича ҳар хил физикавий хуcусиятга эгалиги (изотропия).
Атмосферостойкость - табиат таъсири (ташқи муҳит) га чидамлилик - материалларнинг муҳит (қуёш нури, ҳавонинг ҳарорати, ёғингарчилик, ҳар хил газлар, микроорганизмлар ва бошқалар) таъсирига чидаб, ўз хусусиятларини ўзгартирмай сақлаши тушунилади.
Барабан полочный - айланувчи доира - лаборатория асбоби бўлиб, тош материалларининг майдаланиши (емирилиши)ни аниқлашда ишлатилади.
Вакуум прибор - вакуум асбоби - лаборатория шароитида намуналарнинг сув шимишини аниқлашда ишлатиладиган мослама.
Вес тела - жисмнинг вазни - вектор катталик бўлиб, хусусий оғирлик таъсирида таянч нуқталарига таъсир қилувчи куч, Ньютонда ўлчанади (Н).
Вес удельный - солиштирма оғирлик - жисм оғирлигининг ҳажмига нисбати бўлиб, ўзгармас катталикдир (Н/м³).
Вес удельный грунта - тупроқнинг солиштирма оғирлиги - тупроқ оғирлигининг намлиги ва бўшлиқлари билан бўлган ҳажмига нисбати (Н/м³).