Avtotransport vositalari servisi asoslari

Muammoli topshiriq: Hududdagi avtomobil yo’llari va avtomagistrallardagi avtousta-xonalar
faoliyatini tahlil qilish va ulardagi kamchiliklar bo’yicha chora-tadbirlar ishlab chiqish.
Mavjud vaziyat
Avtoservis sohasidagi ilg’or xorijiy tajribalarga kelsak, avtoservis Yevropa, AQSH va boshqa
mamlakatlarda avtomobil sanoati va transporti bilan teng tarixga ega, u bilan birga tug’ilib, birga
hamkorlikda rivojlanib kelayapti. SHuning uchun bu mamlakatlarda ko’rsatayotgan xizmatlarning sifati
ham, madaniyati ham yuqori va ko’lami kengdir. Rivojlangan mamlakatlar hududlarining barcha
shaharlari, qishloqlari va boshqa aholi yashovchi punktlari, shaharlararo yo’l bo’ylari, dam olish zonalari
turli darajada va xildagi avtoservis xizmati ko’rsatuvchi korxonalar tarmog’i bilan qoplangan.
Muammoli topshiriq: mavjud avtoservis korxonasi faoliyatini tahlil qilib, rivojlangan davlatlar
tajribasidan foydalanib, bu korxonalarni rivojlantirish uchun qanday chora-tadbirlar taklif qilasiz?
Mavjud vaziyat
Avtomobillardan turli maqsadlarda, turli yo’l va iqlim sharoitlarida foydalanish, ularning turli xil
ifloslanishiga olib keladi. Yuk avtomobili kuzovlarining ifloslanishi tashiladigan yuk turiga bog’liq
bo’lib, ular qum, tuproq, ko’mir, qurilish materiallari va iste’mol mollari bo’lishi mumkin. Tashqi muhit,
ya’ni harorat, yog’ingarchilik va kuzovga yopishib qolgan iflosliklar ta’sirida bo’lgan joylardagi
bo’yoqning ximik va fizik xususiyatlari o’zgarib, yuza asta sekin eskiradi. Bularni oldini olish va TXK
ishlarini sifatli bajarish maqsadida tozalash, yuvish va quritish ishlari olib boriladi.
Muammoli topshiriq: avtomobillarni kuzovini tozalash va yuvish ishlari qachon bajariladi va
ularga qanday talablar qo’yiladi? Kuzovlarni tozalash va yuvish ishlarida qanday texnologik jihozlardan
foydalinaladi? Avtomobillarni tozalash va yuvish texnologiyasi asosida texnologik xarita tuzing.
Kuzovlarni ishlov berish ishlarini maqsad va mohiyatini tushintirib bering.
Mavjud vaziyat
Avtomobillarning kuzov, kabina va tayanchlarining asosiy nosozliklari: ularning qiyshayishi,
pachoqlanishi, uzilishi, zanglashi, chirishi, boltli va parchinmixli birikmalarning bo’shashib ketishidan
iborat.