Avtotransport vositalari servisi asoslari

Muammoli topshiriq: TXK va ta’mirlash sifatiga qanday omillar ta’sir ko’rstadi va ularni
yaxshilash uchun chora-tadbirlarni taklif qiling. ISO nima? Kim tomonidan o’rnatiladi, o’z ichiga
nimalarni oladi?

---

Mavjud vaziyat
Avtomobillarga to’la ravishda xizmat ko’rsatuvchi korxonalarda quyidagi ishlab chiqarish
bo’linma va ustaxonalar tashkil etiladi: bular avtomobillarni yuvish va quritish, avtomobillarni xizmatga
qabul qilish va ularni egasiga topshirish, maxsus diagnostika, texnik xizmat ko’rsatish postlari, ta’mirlash,
agregatlarni almashtirish postlari, kuzov elementlarini ta’mirlovchi postlar, avtomobil, agregat, asbob va
jihozlarini ta’mirlovchi maxsus ustaxonalar kiradi.
Muammoli topshiriq: guruhdagi talabalarni 3 ta yoki 4 ta kichik guruhlarga bo’lib Namangan
shahridagi avtoservis korxonasidagi bo’lim va ustaxonalar faoliyatini tahlil qilish va ular asosida
xulosalar yozish. Bo’lim va ustaxonalarni tahliliy chizmasini chizib namunaviy loyihalar bilan
solishtirish. Bo’lim va ustaxonalarda bajarilayotgan ishlar texnologiyasi bilan tanishish, tahlil qilish va
solishtirma texnologik xarita tuzish.
Mavjud vaziyat
Avtomarkazlar va ASKlarda ma’muriy-maishiy xonalar qatori mijozlar uchun alohida xona,
ehtiyot qismlar omborlari va savdo do’konlari, salonlari bo’lishi shart. Ishlab chiqarish binolari va
ustaxonalaridan tashqari texnologik jarayonlarning uzluksiz va to’xtovsizligini ta’minlovchi
elementlardan biri ombor xo’jaligidir. Uni barpo etish va faoliyatini ishlab chiqarish jarayonlari talablari
asosida tashkil etish, ayniqsa, muhimdir. Ombor xo’jaligining tarkibi, ularda saqlanadigan zaxiralar hajmi
va xillari, avtoservis korxonalarining turlari va ishlab chiqarish quvvatiga bog’liq bo’ladi.
Muammoli topshiriq: guruhdagi talabalarni 3 ta yoki 4 ta kichik guruhlarga bo’lib Namangan
shahridagi avtoservis korxonasidagi yordamchi bo’limlar faoliyatini tahlil qilish va ular asosida xulosalar
yozish. Omborxona xo’jaligini mikroiqlimini yaratish bo’yicha sizning takliflaringiz.
Mavjud vaziyat
Ekspluatatsiya jarayonida sodir bo’ladigan buzilishlarni aniqlash va oldini olish, avtomobillarning
ishonchliligini va yuqori samaradorligini saqlab turish uchun diagnostika ishlari o’tkaziladi. Avtomobil,
uning tarkibiy qismlari ma’lum ekspluatatsiya sharoitlarida namoyon bo’ladigan, xususiyatlar deb
ataladigan miqdor va sifat ko’rsatkichlari bilan tavsiflanadi. Xususiyatlar majmui avtomobil yoki uning
elementini ishlatish uchun yaroqlilik darajasini aniqlaydi va boshqa avtomobil (element)lardan farqi va
o’ziga xosligini ifoda etadi.