B. G. Pürliýew, E. G. Rahmanowa, M. B. Meläýewa TÜrkmenistanyň ykdysadyýeti
Iň aşak çäk ätiýaçlyklar syýasaty
Download 1.42 Mb. Pdf ko'rish
|
Pürliýew B Türkmenistanyň ykdysadyýeti-2015`Ylym
- Bu sahifa navigatsiya:
- 5. Meýletin ylalaşyklar.
- MAlIÝE ulGAMY wE SAlGYT-BÝujET WEZIPELERI §1. Maliýe ulgamy we onuň wezipeleri
4. Iň aşak çäk ätiýaçlyklar syýasaty. Iň aşak çäk ätiýaçlyklar tä
jirçilik banklaryna ýurduň Merkezi bankyndaky hasaplarda saklamak tabşyrylan belli bir pul möçberleridir. Hökmany ätiýaçlygyň möçberini ýokarlandyryp, Merkezi bank täjirçilik banklaryň işewürlik mümkinçiliklerini birneme bökdeýär, azaltmak bilen bolsa, ony höweslendirýär. 5. Meýletin ylalaşyklar. Olar ýurduň Merkezi banky bilen öz is legi boýunça işini belli bir çäklendirmeleriň astynda goýýan täjirçilik banklarynyň arasynda baglaşylýar. Soraglar we ýumuşlar: 1. Döwletiň pul ulgamynyň düzüm böleklerine haýsy edaralar degişli? 2. Karz diýip nämä aýdylýar? 3. Karz haýsy esasy wezipeleri ýerine ýetirýär? 4. Karzyň görnüşlerini sanaň. 5. Bank nähili hyzmatlary ýerine ýetirýän edara? 6. Türkmenistanyň bank ulgamynda nähili kanunlar we maksatnamalar kabul edilipdir? 7. Türkmenistanyň bank ulgamy barada aýdyp beriň. 149 ХIV. MAlIÝE ulGAMY wE SAlGYT-BÝujET WEZIPELERI §1. Maliýe ulgamy we onuň wezipeleri Eýeçiligiň ähli görnüşlerindäki kärhanalaryň, telekeçilik guramala rynyň, şonuň ýaly-da ilatyň girdejileriniň, jemgyýetiň mundan beýläkki ösüşini üpjün etmäge pul serişdeleriniň goruny döretmek üçin döwlet býujetine we ýerli býujetlere geçirilýän salgytlary we ýygymlary emele getirmek bilen baglanyşykly ykdysady gatnaşyklaryň köplügi ýurduň maliýe ýagdaýyny aňladýar. Bu ýagdaýy pul serişdeleriniň döwlet de rejesinde onuň maliýesi hökmünde çykyş edýän merkezleşdirilen we merkezleşdirilmedik gaznalarynyň hereketi kesgitleýär. Maliýe düşünjesi goşmaça önümiň goşmaça gymmat görnüşin däki puluň öndürilmegi we aýlanmagy, ýurduň hajatlary we adamlaryň jemgyýetçilik we şahsy isleglerini kanagatlandyrmak üçin paýlanma gy hem-de peýdalanylmagy babatyndaky gatnaşyklaryň köplüginiň mazmunyny aňladýar. Maliýe birnäçe wezipäni ýerine ýetirýär: • toplaýyş wezipesi – serişdeleriň jemlenmeginden we döwletiň işlemeginiň maddy binýadyny döretmekden ybaratdyr; • düzgünleşdiriş wezipesi – hojalyk subýektleriniň işini höwes lendirmekden ybaratdyr; • paýlaýyş wezipesi – býujetiň, durmuş ätiýaçlandyryşynyň we ş.m. üsti bilen pul serişdeleriniň emele getirilmegidir; • gözegçilik wezipesi – salgytlaryň dogry alnyşynyň we olaryň niýetlenişi boýunça peýdalanylyşynyň üpjün edilmegidir. Aralarynda mydama pul akymlary bolup geçýän esasy subýektler aşakdakylardan ybaratdyr: • döwlet we onuň edaralary; • kärhanalar, birleşmeler we ş.m.; • ilat, hususan-da, öý hojalyklary. Maliýe ulgamy ähli özara baglanyşykly düzüm birlikleriniň, ýagny ýuridik we fiziki şahslaryň pul girdejileriniň bir bölegine dürli salgytlar we ýygymlar görnüşinde döwlet gaznasyna yzygiderli düşüp durmagyny 150 hem-de jemgyýetiň öňünde durýan maksatlara ýetilmegini, şonuň ýaly- da, wezipeleriň çözülmegini üpjün etmek üçin milli howpsuzlygy, döwlet diwanynyň saklanmagyny, durmuş maksatnamalarynyň ýerine ýetiril megini, ýurduň ykdysadyýetiniň, ylmynyň, tehnikasynyň, medeniýetiniň, sungatynyň we onuň halkara gatnaşyk larynyň ösdürilmegini maliýeleş dirmekde, olaryň maksadalaýyk paýlanmagyny we peýdalanylmagyny guramak bilen meşgullanýan dolandyryş edaralarynyň köplügidir. Maliýe ulgamynyň düzümine şular girýär: • ähli derejelerdäki býujetleriň, ýagny döwlet býujetiniň, edara ediş birlikleriniň, ýerli häkimiýet edaralarynyň býujetleriniň köplügi; • durmuş, emläk we şahsy ätiýaçlandyryş boýunça býujetden daşary gaznalar; • döwletiň gyzyl pul ätiýaçlyk gorlary; • eýeçiligiň hem-de hojalyk ýöretmegiň ähli görnüşlerindäki kär hanalaryň we guramalaryň pul gorlary. Olaryň her birisiniň umumy maliýe ulgamyndaky tutýan bölegi onuň düzümini häsiýetlendirýär. Ýurduň maliýe ulgamy döwletiň, hojalyk subýektleriniň we ila tyň özara baglanyşykly maliýeleriniň köplügi hökmünde kesgitlenip bilner. Maliýe ulgamyna şu wezipeler ýüklenýär: • girdejileri almagyň we harçlamagyň meýilnamalarynyň düzülmegi; • pul akymlarynyň hereketiniň guralmagy; • maliýe ulgamy döwlet derejesinde belli bir maksatlara ýetmäge nazarlandyrylan mahalynda, döwletiň maliýe syýasatynyň durmuşa geçirilmegine ýardam berilmegi. Ykdysadyýeti düzgünleşdirmek babatynda döwletiň maliýe sy ýasatynyň iki sany aýratynlygy bar. • Olaryň birinjisi girdejileri almagyň we çykdajylary amala aşyr magyň maliýe gurallarynyň kömegi bilen ykdysadyýetiň düzgünleş dirilmegidir. Oňa fiskal syýasat diýilýär. • Bu meseläniň ikinji aýratynlygy býujet işiniň düzgünleşdirilme gidir. Şonda býujetiň deňagramlylygy býujet syýasatynyň üsti bilen gazanylýar, ýagny döwletiň çykdajylarynyň ugurlary, düzümi, aýry- aýry maddalaryň maksadalaýyk esaslandyrylmagy arkaly ykdysady düzgünleşdiriş çäreleri geçirilýär. |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling