B. G. Pürliýew, E. G. Rahmanowa, M. B. Meläýewa TÜrkmenistanyň ykdysadyýeti
Download 1.42 Mb. Pdf ko'rish
|
Pürliýew B Türkmenistanyň ykdysadyýeti-2015`Ylym
- Bu sahifa navigatsiya:
- 1. Netijelilik ýa-da bitaraplyk ýörelgesi
- 2. Çeýelik ýörelgesi
- 4. Şahsyýetiň ileri tutulmak ýörelgesi
- 6. Adalatlylyk ýörelgesi
§3. Salgyt salnyş ýörelgeleri
Ideal salgyt ulgamy diýilýäniň häsiýetnamalaryna seredip geçe liň. Kesgitlemä laýyklykda, salgyt salyş ulgamy ýurtda salgytlaryň ýygnalşyny üpjün edýän kadalaryň, düzgünleriň we olary durmuşa geçirýän edaralaryň köplügidir. Salgyt ulgamynyň nähili bolmalydygy baradaky sowala aşakda sanalyp geçilýän alty sany ýörelge jogap bolup durýar, emma munuň özi dünýä ýurtlarynda hakykatda, hereket edýän salgyt ulgamlarynyň şol ýörelgelere doly gabat gelýändigini aňlatmaýar. 1. Netijelilik ýa-da bitaraplyk ýörelgesi salgytlaryň bazardaky erkin bäsdeşlik şertlerine laýyk gelýän gatnaşyklary mümkin boldu gyça ýoýmaly däldir (döwlet tarapyndan gatyşylmagy esasly hasap edilýän daşarky täsirleriň nazara alynýan halatlaryndan başga). 2. Çeýelik ýörelgesi salgyt salnyş ulgamynyň ykdysady ýagdaýyň üýtgemegine duýgurlygyny ýüze çykarmagy bilen baglanyşyklydyr. 3. Dolandyryş babatynda ýönekeýlik ýörelgesi salgyt ulgamy nyň tutuşlygyna alnanda edara ediş babatyndaky çykdajylarynyň az bolmagy, onuň aýdyňlygy we salgyt tölemekden boýun gaçyrmagyň kyn bolmagy bilen häsiýetlenýändigini aňladýar. 4. Şahsyýetiň ileri tutulmak ýörelgesi salgyt ulgamynyň her bir raýat üçin deň şertleriň döredilmegine däl-de, deň mümkinçilikleriň berilmegine gönükdirilmelidigi bilen baglanyşyklydyr. 5. Syýasy jogapkärçilik ýörelgesi salgyt töleýjileriň hut özleriniň salgyt töleýändiklerini we şondan gelip çykýan jogapkärçilige akyl ýetirmelidiklerini aňladýar. 6. Adalatlylyk ýörelgesi salgyt töleýjileriň bir topary üçin salgy dynyň aşa agyr, beýleki toparlary üçin ýeňil bolmazlygyny aňladýar. §4. Döwlet býujeti we onuň wezipeleri Makroykdysady düzgünleşdirişiň iňňän möhüm guraly bolup, pul-karz syýasaty bilen bir hatarda, döwletiň salgyt-býujet syýasaty çykyş edýär. 153 Salgyt-býujet syýasaty – munuň özi döwlet çykdajylaryny we salgyt salnyşyny üýtgetmek arkaly işewürlik ýagdaýyna döwletiň tä sir etmegidir. Ol milli girdejiniň derejesine, şunlukda hem, önümçi ligiň möçberine, iş bilen üpjün ediş derejesine, şonuň ýaly-da nyrh laryň derejesine täsir edýär. Salgyt-býujet syýasaty, hususan, işsizlik we puluň hümmetsizlenmegi bilen baglylykda, ykdysady ýagdaýyň ýaramaz tarapa üýtgemegine garşy gönükdirilendir. Döwlet býujeti – bu döwlet işiniň onuň ähli pul serişdelerini we girdejilerini hem-de olaryň jemgyýetiň durmuş-ykdysady ösüşiniň ugurlary boýunça paýlanyşyny beýan edýän maliýe meýilnamasydyr. Ol döwletiň girdejileriniň we çykdajylarynyň jemidir. Býujetiň çykdajylary öz düzümi boýunça şu ugurlara gönükdi- rilýär: • jemgyýetçilik we durmuş hyzmatlar; • umumy häsiýetli döwlet hyzmatlary; • ykdysady işler bilen baglanyşykly döwlet hyzmatlary. Döwlet býujetiniň girdejileri, ilkinji nobatda, merkezi we ýerli häkimiýet edaralary tarapyndan alynýan salgytlardan we ýygymlar dan emele gelýär. Býujetiň defisiti. Döwlet býujetiniň çykdajylary we onuň girde jileri mydama gabat gelip durmaýar. Eger girdejiler çykdajylardan agdyk gelse, oňa býujet profisiti ýa-da agdyk gelmesi diýilýär. Ter sine bolanda, ýagny çykdajylar girdejilerden köp bolsa, onda býujet defisiti ýüze çykýar. Býujet işi döwletiň girdejileriniň we çykdajylarynyň deňag- ramlaşdyrylan ýagdaýda bolmalydygyny göz öňünde tutýar. Döwletiň çykdajylarynyň girdejilerden agdyk gelmegi şu sebäp- lere görä ýüze çykýar: • jemgyýetçilik durmuşynyň, durmuş ösüşiniň düzgünleşdiril megi kanunçylyga laýyklykda, döwlete degişli bolan ýaýrawlarynda onuň ähmiýetiniň ýokarlanmagy; • döwlet diwanynyň işgär sanynyň köpeldilmegi; • hojalyk ýörediş şertleriniň üýtgäp durmagy, ykdysady çökgün lik hadysalarynyň täsiri we ş.m. 154 Makroykdysadyýetiň nazaryýetinde býujeti deňagramlaşdyrmak meselesiniň çözülmeginde üç sany çemeleşme tapawutlandyrylýar: Download 1.42 Mb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling