Hödürleme – bu belli bir wagtyň dowamynda belli bir nyrh
boýunça satuwa çykarylýan harytlaryň mukdarydyr.
Bäsdeşlik – biri-birlerine gabat gelmeýän bähbitler boýunça
özara garşy durmak ýa-da harytlary we hyzmatlary öndürijileriň
116
bazardaky amatly aluw-satuw şertleri ugrunda aňrybaş peýda gazan
mak maksady bilen öz aralarynda ýaryşmagydyr. Satyjylaryň we sa
tyn alyjylaryň köp sanlysynyň bolmagy bazara erkin aralaşmak we
ondan çykmak üçin mümkinçilik berýär.
Bäsdeşligiň iki sany görnüşi bar. Pudak içersindäki bäsdeşlik
önümçiligiň bir pudagynyň içersindäki telekeçileriň aralarynda has
köp peýda gazanmak ugrundaky göreş netijesinde ýüze çykýar. Pu-
dagara bäsdeşlik önümçiligiň dürli pudaklaryndaky telekeçileriň ara
larynda maýa goýmagyň has amatly şertleri ugrundaky göreş netije
sinde emele gelýär.
Bäsdeşlik göreşiniň usullary hökmünde nyrh bäsdeşligi we nyr
ha dahylsyz bäsdeşlik çykyş edýär.
Nyrh basdeşligi önümçilik harajatlaryny azaltmak we harytlaryň
aýry-aýry görnüşlerini, önümleriň sanawyny we hilini üýtgetmezden,
olaryň nyrhlaryny peseldip satmak arkaly goşmaça peýda görmek
ugrunda telekeçileriň arasyndaky ýaryşy aňladýar.
Nyrha dahylsyz bäsdeşlik şulary öz içine alýar:
• harydyň hil sypatlarynyň üýtgedilmegi;
• harytlara hil taýdan täze sypatlaryň berilmegi;
• islegleriň täze görnüşlerini kanagatlandyrmak üçin harydyň täze
görnüşiniň döredilmegi;
• harydyň häsiýetleriniň moda, ýörgünlilige laýyklykda täzelen
megi;
• harydyň ýany bilen amala aşyrylýan hyzmatlaryň kämilleşdiril
megi – gowy edip görkezmek, oturdyp bermek, kepillikli abatlaýyş
we başgalar.
Bäsdeşlik bazar ykdysadyýetiniň hereketlendiriji güýçleriniň
biridir. Ol önümçiligi ösdürmegiň we onuň netijeliligini ýokarlan
dyrmagyň kuwwatly höweslendirijisi bolup hyzmat edýär. Şol my
nasybetli harytlaryň ägirt köp dürlüligi we sarp edijiler tarapyndan
olary saýlap almagyň giň mümkinçilikleri döreýär. Emma bäsdeşlik
mydama telekeçileriň öz aralarynda ýapyk ýagdaýda ylalaşmak we
olaryň ykdysady kuwwatlarynyň bir ýere aşa köp jemlenmek howpy
astynda durýar.
117
Do'stlaringiz bilan baham: |