Kadrlarga oid yangiliklarni (KYA) tashkil etish – IKM tizimiga kiradigan tarkibiy elementlar (bo‘linmalar, guruhlar, shaxslar), shuningdek, KYAni ishlab chiqish va amalga oshirish vaqtidagi o‘zaro ta’sir ko‘rsatish qobiliyati va normalari majmuidir.
Kadrlarga oid yangiliklar (KYA) – bu, kadrlarga oid yangiliklarni joriy qilish sohasidagi aniq maqsadli faoliyatdir.
Kasb-ta’lim sohasidagi yangiliklar – oliy o‘quv yurtlarida, kollejlarda va boshqa o‘quv yurtlarida kadrlarni kasbiy jihatdan tayyorlash sohasidagi yangiliklar.
Kadrlarni rejalashtirish – odamlarga zarur vaqtda kerakli miqdordagi ish o‘rinlarini ularning qobiliyatlari, mayllari va ishlab chiqirish talablariga muvofiq ta’minlab berish.
Kadrlarni izlash va tanlash – bu, yangi samarali kadrlar potensialini yaratishdir.
Kadrlar zahirasini rejalashtirish – xodimlarning lavozimlarga ko‘tarilib borishini maqsad qilib qo‘yadi. U muayyan xodimlarning lavozimlarga ko‘tarilishi, almashinishi, bo‘shatilishining butun bir zanjirini ishlab chiqishni talab qiladi.
Korxona resurslari – bu, ishlab chiqarish yoki xizmat ko‘rsatishda foydalaniladigan resurslar bo‘lib, ularni uch guruhga ajratish mumkin, natural yoki tabiiy resurslar, moddiy resurslar va inson resurslari.
“Korxona personali” – umumiy tarzda mazkur korxona va tashkilotning barcha yollangan xodimlarini qamrab oladi va ular mutlaqo aniq vazifalarni bajaradilar.
Korxona va tashkilot – bu, muayyan maqsadlarga erishish uchun birgalikda ishlaydigan kishilar birlashmasidir.
Kelishib hal qilinadigan ixtiloflar – ixtilof qatnashchilari maqsadlarining, o‘zaro harakat qilish muddatlari va shartlarining o‘zaro o‘zgarishi hisobiga ularni hal etishning bir necha variantiga yo‘l qo‘yadi.
Martaba – bu, haqiqatdan egallanadigan bosqichlar (lavozimlar, ish o‘rinlari va jamoadagi mavqelar) izchilligidir.
Mehnat bozori – ishchi kuchining mehnatga bo‘lgan qobiliyatini sotish va sotib olish tizimidir.
Do'stlaringiz bilan baham: |
