Barakaуev m., Shamsiyev а., G’oyibnazarova g

1.3. Mustaqil ishlarni tashkil etishning o‘ziga xos jihatlari 
Ma’lumki, ta’lim oluvchilar mustaqil ishlarini tashkil etishdan ko‘zlangan 
asosiy maqsad quyidagilardan iborat: 

ta’lim oluvchilarning turli fanlarga bo‘lgan qiziqishlarini o‘stirish;

 olgan nazariy bilimlarni amalda qo‘llay olish malakasini shakllantirish;

ijodiy qobiliyatini rivojlantirish; 

mustaqil fikrlashni rivojlantirish orqali dunyoqarashini kengaytirish; 

amaliy ko‘nikma va malakalarini o‘stirish; 

---

12 

zamonaviy ta’lim texnologiyalarining shakl va usullari bilan tanishtirish;

egallayotgan kasbi bo‘yicha har bir yangilikni o‘z vaqtida o‘zlashtirish 
malakalarini shaklantirish; 

 ilmiy-tadqiqot ishlariga yo‘naltirish; 

qo‘shimcha adabiyotlar bilan ishlash, internet, elektron va multimediali 
mashg‘ulotliklar kabilardan foydalanish ko‘nikmalarini rivojlantirish;

fan, texnika va texnologiyaning oxirgi yutuqlaridan xabardor qilish va h.k.. 
Mustaqil ishlarni ko‘zlangan maqsadidan kelib chiqqan holda ta’lim 
oluvchilar tomonidan bajariladigan ishlar yuzasidan qo‘yiladigan vazifalarni 
quyidagi guruhlarga ajratish mumkin:
1.
Bilimlarni dastlabki shakllanishiga, idrok qilishga undaydigan 
vazifalar.
Bunda ta’lim oluvchilar ko‘zlangan maqsadga erishishi uchun nima talab 
qilinishini bilishi muhim hisoblanib, asosiy vazifa ma’lumotlarni o‘zlashtirishga 
qaratilgan bo‘lishi kerak. 
2. O‘zlashtirish uchun ma’lumotlar, ularni xotirada saqlash, qayta esga 
tushurish va qayta ishlashga qaratilgan topshiriqlar.
Bunda, avval egallangan bilimlarni faollashtirish asosida bajariladigan 
hamda aniq sharoitda tatbiq etish talab qilinadigan vazifalar qaraladi. 
3. Avval o‘zlashtirilgan, qolipga tushgan bilimlar asosida to‘plangan
tajribalar natijasida hosil bo‘lgan bilim, malaka va ko‘nikmalarga yangicha 
nuqtai nazardan yondashishni talab qiluvchi topshiriqlar.
Bunday topshiriqlarni bajarishda berilgan masalaning mohiyatini izlash, 
yangicha yechimlar topish, yangicha g‘oya, fikrlar bilan ifodalashni talab 
etiladigan vazifalar belgilanadi. 

---

13