Barakaуev m., Shamsiyev а., G’oyibnazarova g

shakllanmagan, shuning uchun ham u faqat bajarishi zarur” - degan 
qarashlarda namoyon bo‘lardi. Mazkur o‘qitish tizimda o‘qituvchi o‘ta faol, 
hamma narsani biladigan, ta’lim jarayonining yagona xo‘jayini va 
tashabbuskori sifatida namoyon bo‘ladi va unda o‘qitish samaradorligi, sifati 
o‘qituvchining o‘quv mashg‘uloti jarayonida ko‘zlangan maqsadga qay 
darajada erishganligi bilan o‘lchanadi. Vaholanki, ta’lim sifati va samardorligi 
ta’lim oluvchining ta’lim jarayonida ko‘zlangan maqsadga qay darajada 
erishganligi bilan aniqlanishi kerak. 

---

11 
An’anaviy ta’lim metodlari yordamida ta’lim jarayonini tashkil etishda 
asosiy maqsad bilim, malaka va ko‘nikmalarni o‘zlashtirishga qaratilgan bo‘lib, 
shaxsni rivojlantirish ko‘zda tutilib, uning metodlari yordamida o‘qitishda 
ta’lim oluvchilarning mustaqil ta’lim olish qobiliyatlari rivojlantirilmaydi. 
Natijada, ularda mustaqil fikrlash, tanqidiy fikrlash kabi qobiliyatlar to‘la 
shakllanmaydi. Bu o‘z navbatida kelgusida ularda boqimandalik kayfiyatini 
rag‘batlantirishga olib keladi. 
Muqaddas hadislarimizdan birida “Beshikdan to qabrgacha ilm o‘rgan” 
– deyiladi. Hozirgi kunda ana shu muqaddas tamoyilga asoslanmasdan turib, 
ta’lim jarayonining hozirgi kun talablari darajasiga erishib bo‘lmaydi. Shuning 
uchun ham ta’lim tizimini tubdan isloh qilish bugungi kun talabi bo‘lib qoldi. 
Mamlakatimizda bu borada tan olish kerakki, qisqa tarixiy davrda juda katta 
amaliy ishlar bajarildi. Jumladan, olimlar va soha mutaxassislari tomonidan olib 
borilgan ilmiy-pedagogik, ilmiy-metodik kuzatishlar, tadqiqotlar, tahlillar 
natijasi ta’lim jarayonining markaziga ta’lim oluvchini qo‘ymasdan turib, ta’lim 
jarayonini shaxsni rivojlanishiga va uning tabiiy imkoniyatlarini to‘la ro‘yobga 
chiqarish uchun qulay shart-sharoit yaratmasdan turib mamlakatimiz intelektual 
salohiyatini rivojlangan mamlakatlar darajasiga olib chiqish orzudan boshqa 
narsa bo‘lmasligi ayon bo‘ldi. Hozirgi kunda zamonaviy ta’lim va axborot 
texnologiyalarini ta’lim jarayoniga keng joriy qilgan holda bu borada ijobiy 
yutuqlar qo‘lga kiritilmoqda.