Baron myunxauzen sarguzashtlari

OT STOL  USTIDA 

 

 

Men sizlarga otim xaqida hech narsa gapirib berganim yo'q, shekilli-a? 

 

Holbuki, men bu otim bilan ham ko'pgina g'alati hodisalarga duch kelganman. 

 

Voqea  Litvada  bolgan  edi.  Men  otga  juda  ishqiboz  bir  oshnamnikida 

mehmonda edim. 

 

Bu odam o'zi juda maqtab yurgan eng yaxshi bir otini mexmonlariga ko'rsatib 

turganida,  ot  yuganini  uzib  ketib,  to'rtta  otboqarni  uloqtirib  tashladi-da,  og'zidan 

ko'pik sachratib, hovlida u yoqdan-bu yoqqa chopa boshladi. 

 

Hamma qo'rqqanidan har tomonga tirqirab ketdi. Quturgan otga yaqin kelishga 

jur'at qila oladigan bironta ham dovyurak odam topilmadi deng. 

 

Faqat  mengina  dovdirab  qolmadim,  chunki,  ajoyib  mard  odam  bo'lganimdan, 

bolalik chog'imdanoq, eng yovvoyi otlarni ham jilovlab o'rganib qolgan edim. 

 

Sapchib  otga  minib  oldim-da,  bir  zumda  hovurini  bosib  qo'ydim.  Ot 

bilaklarimning  kuchli  ekanini  darrov  payqab,  xuddi  yosh  boladay  menga  bo'ysundi-

qoldi.  Keyin  men  butun  hovlini  dabdaba  bilan  aylanib  chiqdim,  shunda  birdan 

dasturxon oldida o'tirgan xonimlarga o'z hunarimni ko'rsatib qo'ygim keldi. 

 

Qanday ko'rsatishim kerak edi? 

 

Juda  jo'n!  Men  otni  deraza  tomonga  burib,  xuddi  quyunday  mehmonxonaga 

uchib kirdim. 

 

Boshda  xonimlar  juda  qo'rqib  ketishdi.  Ammo  men  otni  stol  ustiga  qarab 

sakratdim, ryumka va idishlar orasidan shunday gijinglatib yurdimki, na bitta ryumka, 

na biror tarelka sindi. 

www.kitob.uz saytida elektron kitoblar, audio ertaklar, darsliklar mavjud

---

 

Bu  narsa  xonimlarga  juda  yoqdi;  ular  qah-qahlab  kulishib,  chapak  chala 

boshladilar.  Oshnam  esa,  mening  bunaqangi  ajoyib  chaqqonligimga  qoyil  qolib,  bu 

ko'rkam otni hadya o'rnida qabul qilishimni mendan iltimos qildi. 

 

Men  uning  qilgan  hadyasidan  nihoyatda  xursand  bo'ldim,  chunki  urushga 

bormoqchi bo'lib, ko'pdan beri shunday uchqur ot qidirib yurgan edim. 

 

Bir soatdan keyin men yangi otga minib, o'sha vaqtda qattiq urush borayotgan 

 

Turkiyaga qarab o'qday uchib ketdim.