Baron myunxauzen sarguzashtlari

SAKKIZ OYOQLI QUYON 

 

 

Ha, shundoq, Rossiyada men juda ko'p g'alati hodisalarni uchratganman. 

 

Bir kuni men g'alati bir quyonning izidan quvib qoldim. Quyon bo'lsa o'lguday 

chopqir edi. Irg’ishlab chopgani chopgan, qani endi o'tirib bir oz dam-pam olsa! 

 

Otdan tushmasdan ikki kungacha ketidan quvdim, lekin hech yetolmadim. 

 

Vafodor itim Dianka undan bir qadam ham keyinda qolmay quvib bordi, ammo 

men o'q yetadigan masofaga hech yetib borolmadim. 

 

Uchinchi  kun  deganda,  harqalay,  la'nati  quyonni  otib  qulatishga  muvaffaq 

boldim. 

 

Quyon o't ustiga yiqilishi bilanoq, men otimdan irg'ib tushib, uni borib ko'rdim. 

 

Bu  quyonning  o'z  oyoqlaridan  bo'lak  yana  oshiqcha  oyoqlari  ham  borligini 

ko'rganimda,  qanday  hayron  qolganimni  bir  tasavvur  qilsangiz  edi.  Uning  qornida 

to'rt, sirtida to'rt oyog’ bor edi! 

 

Ha, shundoq, uning orqasida baquvvat chopqir oyoqlari bor edi! Pastki oyoqlari 

charchasa  qornini  osmonga  qilib  o'girilib,  o'sha  ehtiyot  oyoqlari  bilan  chopaverar 

ekan. 

 

Mening kuyib-pishib, uch kun orqasidan quvlaganim bejiz emas ekan! 

 

www.kitob.uz saytida elektron kitoblar, audio ertaklar, darsliklar mavjud

---

AJOYIB NIMCHA 

 

 

Afsuski,  vafodor  itim  sakkiz  oyoqli  quyonni  rosa  uch  kun  quvaman  deb 

shunday charchabdiki, yerga yiqildi-yu, bir soatdan keyinoq o'ldi-qoldi. 

 

Xafa bo'lganimdan yig’lamoqdan beri bo'ldim. O'lgan itimdan yodgorlik bo'lsin 

deb terisidan o'zimga ov nimchasi tikishga amr qildim. 

 

Ana shundan beri menga na rniltiq kerak, na it. 

 

Har  safar  o'rmonga  borganitnda  nimchamni  bo'ri  yoki  quyon  yashiringan 

tomonga tortgani-tortgan. 

 

Men  ilvasinlarni  otar  darajada  yaqinlashganirnda  nimchadagi  tugmalar  o'z-

o'zidan uzilib, o'sha hayvon tomonga o'qday uchib boradi! Ajoyib tugma borib tekkan 

hayvon qimir etmay yiqiladi-qoladi! 

 

Ana shu nimcham hali-hali ustimda. Gapimga ishonmayotganga o'xshaysizlar-

a,  kulyapsizlar?  Ammo  bu  yoqqa  qarasangiz,  mening  rost  gapirayotganirnga 

ishonasiz-qolasiz:  nimchamda  atigi  ikkita  tugma  qolganini  o'z  ko'zingiz  bilan 

ko'rmayapsizmi, axir. Men yana ovga chiqsam, nimchamga kam deganda uch dyujina 

tugma qadab olaman. 

 

O'shanda menga bo'lak ovchilarning havaslari kelishini ko'ring!