«Bayanlar toplamı» mbs ha’m u’zliksiz oqıw bag’darlamasındag’ı oqıwshılardın’ baylanıslı so’ylewin o’siriwge tiyisli talaplardan kelip shıqqan halda du’zildi. Toplamdag’ı tekstler tematikalıq ta’repten ra’n’be-ra’n’

III. Bo’limlerge tema qoyıw.
Oqıtıwshı oqıwshılarg’a: «Ha’zir biz reje du’ziwdi u’yrenemiz. Bu’gin men bayang’a reje du’zbedim. Ha’mmemiz birgelikte gu’rrin’nin’ ha’r bir bo’limine sa’ykes tema tabamız», dep eskertedi.
Balalar tekst bo’limlerine qarap, reje to’rt temadan ibarat bolıwın anıqlaydı.
Ha’r bir bo’lim oqılıp, onın’ mazmunı tu’sindiriledi. Birgelikte tema tabıladı. Tema tabıw ushın oqıtıwshı usınday qosımsha sorawlar beredi: «Ekinshi ga’pte Pirimbet ata haqqında nelerdi bildin’iz?», «Kim ko’shede oynap ju’rgen edi?». Mine usı u’zindinin’ ha’mmesine «Pirimbet atanın’ kiyatırg’anın kim ko’rdi?», dep soraw beriw mu’mkin.
Ekinshi bo’lim oqıtılg’anda «Biz bul ga’plerden neni bildik?» Qanday soraw qoysa boladı? (Ne ushın Erkin Pirimbet atanı hu’rmet qılatug’ın edi?) U’shinshi bo’limnen ne belgili? Qanday soraw qoyıw mu’mkin? Erkin ne ushın atanın’ aldına juwırıp bardı? To’rtinshi bo’limge qanday soraw qoyıw mu’mkin? (Ne ushın ata Erkinge raxmet ayttı?) degen sorawlar beriledi.
Sorawlar qayta oqıladı. Oqıwshılar reje payda bolg’anın bilip aladı ha’m tekst bo’limleri mazmunı menen temanı salıstıradı. Rejenin’ birinshi, ekinshi, u’shinshi qatarlarına eki ga’p penen juwap beriw kerekligin biledi.
IV. Bayan jazıwg’a tayarlıq.
Tekst u’stinde joqarıdag’ıday jumıs alıp barılg’annan keyin qayta bayanlaw sha’rt emes. Oqıwshılar tekstti qayta oqıydı ha’m imlası qıyın so’zlerdi anıqlaydı. Oqıtıwshı ja’rdeminde olardın’ jazılıwın bilip aladı. Birgelikte jazıw taxtasına sorawlardı, imlası qıyın so’zlerdi jazıwdı sheship aladı.
Toplamg’a bo’limlerge ajıratılg’an tekst materialı tiykarında ga’pler du’ziw ushın shınıg’ıwlar kirgizilgen. Bular ekinshi klass bag’darlaması talaplarına juwap beredi.
Shınıg’ıwlar oqıtıwshı ja’rdeminde oqıwshılardın’ bir qansha ga’pler du’ziw, jazıw ha’m temanı birden-bir halg’a keltiriw bag’darındag’ı ta’jiriybesin arttıradı.
Mazmunı birden-bir tekst sorawlarına juwap beriw shınıg’ıwların ja’ne basqasha ko’riniste de o’tkeriw mu’mkin. Ma’selen, bayan jazıw «Ba’ha’r sawg’ası» teksti tiykarında to’mendegishe a’melge asırıladı: