GU’RRIN’ BO’LIMLERIN BIRGELIKTE JAZIW
Bul shınıg’ıwdın’ maqseti gu’rrin’di birgelikte bayan qılıw bolıp esaplanadı. Rejedegi ha’r bir qatarg’a berilgen juwap jazıw taxtasına jazıladı. Son’ oqıtıwshı basshılıg’ında analiz qılınıp, da’pterge jazıladı.
Jaqsı pazıylet
1. Za’ripjannın’ jaqsı a’deti bar.
2. Ol zat tawıp alsa, iyesin izleydi.
3. Jolda kiyatırg’an hayaldın’ pulı jerge tu’sti. Hayal onı sezbedi.
4. Za’ripjan puldı ko’rip qaldı, hayaldı shaqırdı, puldı iyesine berdi.
5. Hayal Za’ripjang’a minnetdar boldı. (32 so’z)
Imla: Za’ripjan, tawıp, minnetdar so’zleri u’stinde islenedi.
Analiz: Za’ripjan qay jerde kiyatırg’an edi? Jolda qanday waqıya ju’z berdi? Gu’rrin’nin’ aqırg’ı ga’pinde raxmet so’zi ornında qanday so’z isletilgen?
Oqıtıwshı tekstti oqıydı. Tekstten: ketip baratırg’an hayaldın’, hayal, puldı, shaqırdı, minnetdar so’zleri ajıratıladı ha’m jazıw taxtasına jazıladı ha’m de sorawlar tiykarında aytıp beriledi.
Tekstti aytıp beriw ha’m jazıw ushın sorawlar:
1. Za’ripjannın’ qaysı a’deti jaqsı?
2. Bul haqqında ekinshi ga’pte ne delingen?
3. Jolda qanday waqıya ju’z bergen?
4. Za’ripjan puldı ne qıldı?
5. Hayal kimnen minnetdar boldı?
Ekshembi ku’ni
1. Ekshembi ku’ni edi. Da’wran anası menen qus bazarına bardı. Olar eki totı qus satıp aldı.
2. Quslardın’ biri hawa ren’. Ekinshisi appaq edi.
3. Da’wran quslarg’a rayxan sho’bin, ma’yek qabıg’ın maydalap beredi.
4. Ol quslardı jaqsı ko’redi. (34 so’z)
Imla: eki, hawa ren’, ekinshisi, rayxan sho’bin, ma’yek.
Analiz: Kim totı qus satıp aldı? Kim quslarg’a qaraydı?
Tekstti aytıp beriw ha’m jazıw ushın sorawlar:
1. Da’wran ekshembi ku’ni ne qıldı? (2 ga’p)
2. Quslardın’ ko’rinisi qanday edi? (2 ga’p)
3. Da’wran quslarg’a neler berdi? (1 ga’p)
4. Kim quslardı jaqsı ko’redi? (1 ga’p)
Sorawlardı dodalawda oqıwshılarg’a bir so’zdi ta’kirarlap isletpew kerekligi esletiledi.
Do'stlaringiz bilan baham: |
