«Bayanlar toplamı» mbs ha’m u’zliksiz oqıw bag’darlamasındag’ı oqıwshılardın’ baylanıslı so’ylewin o’siriwge tiyisli talaplardan kelip shıqqan halda du’zildi. Toplamdag’ı tekstler tematikalıq ta’repten ra’n’be-ra’n’

SORAWLARDAG’I SORAW SO’ZLER ORNINA BERILGEN SO’ZLERDI QOYIP JAZIWG’A TIYISLI TEKSTLER

Bul shınıg’ıwdın’ tiykarg’ı maqseti – oqıwshılardı tekst mazmunın anıq bayan qılıw ushın tolıq ha’m durıs ga’p du’ziwge a’detlendiriw. Sonday-aq, olardı a’piwayı gu’rrin’ler du’ziwde tayar rejeden paydalanıwg’a u’yretiw.

Ju’zimzarda
Rano inisi menen ju’zimzarg’a bardı. Ju’zimler g’arq pisken edi. Husayni, tawju’zim altınday tawlanadı. Balalar bir solqım husayni u’zip jedi. Ju’zim u’ziwde Erkin atag’a ja’rdemlesti. (24 so’z)
Imla: Rano, ju’zimzarg’a, tawju’zim so’zleri u’stinde islenedi.
Analiz: Teksttegi qaysı ga’p Rananing kim menen ju’zimzarg’a barg’anın bildiredi? Olar neni u’zip jedi? Ju’zim u’ziwde balalar kimge ja’rdem berdi?

Bayan jazıw ushın sorawlar:	Juwap jazıw ushın so’zler
Rano kim menen ju’zimzarg’a bardı? Neler g’arq pisken? Kimler bir solqım husayni u’zip jedi? Ju’zim u’ziwde kimge ja’rdemlesti?	inisi, ju’zimler, balalar, Erkin atag’a

Ha’r bir sorawg’a berilgen juwap analiz etilgeninen keyin bayan jazıladı.


Na’siyat
Nargiza ha’wlini tazalap sıpırdı. Shıg’ındını esik artındag’ı mu’yeshke jıynap qoydı.
Anası shıg’ındını ko’rip qaldı. Ol qızına den-sawlıq haqqında na’siyat qıldı.
Taza jerde shıg’ındı tursa jaman ko’riwin ayttı. A’sirese, jazda shıg’ındı peshsheni ko’beytiwin, onın’ insan den-sawlıg’ı ushın zıyanlı ekenligin ayttı.
Nargiza shıg’ındılardı da’rriw shıg’arıp tasladı. (46 so’z)
Imla: ha’wlini, sıpırdı, shıg’ındını, den-sawlıq, na’siyat, peshsheni so’zleri u’stinde islenedi.
Analiz: Nargizanın’ anası ne ushın den-sawlıq haqqında na’siyat qıldı? Shıg’ındı haqqında u’shinshi bo’limde ne delingen? Nargiza shıg’ındılardı ne qıldı?