«Bayanlar toplamı» mbs ha’m u’zliksiz oqıw bag’darlamasındag’ı oqıwshılardın’ baylanıslı so’ylewin o’siriwge tiyisli talaplardan kelip shıqqan halda du’zildi. Toplamdag’ı tekstler tematikalıq ta’repten ra’n’be-ra’n’

Imla: ekinshi, jambılsha, Gu’rbek, Sarı qawın, Qaraqant, Gu’la’bi so’zleri u’stinde islenedi.
Analiz: Gu’rrin’de Nigara haqqında ne delingen? Atası Nigaranı qay jerge alıp bardı? Palızda neler pisipti? Ata aqılıg’ına ne berdi? Nigara qawınnan nege qolın tarttı?
Bayan jazıw ushın sorawlar:
1. Atası Nigaranı qashan awılg’a alıp bardı?
2. Atası Nigaranı qay jerge alıp bardı?
3. Palızda qawınnın’ qaysı sortları pisken?
4. Atası aqılıg’ına ne berdi?
5. Nege Nigara qawınnan qolın tarttı?


Gu’lda’ste
Tayır mektepten kiyatırg’an edi. Jolda gu’l na’llerin alıp ketip baratırg’an adamdı ko’rdi. Onnan gu’l na’llerin qay jerden alg’anlıg’ın soradı.
Ol adam gu’l na’llerin gu’zardag’ı gu’lshiden alg’an eken. Tayır gu’zardag’ı gu’lshiden gu’l na’l soradı.
Tayır gu’l na’llerin ha’wlisine ekti.
Ba’ha’r keldi. Gu’ller ashıldı. Tayır gu’llerden gu’lda’ste jasadı. Onı oqıtıwshısına sawg’a qıldı. (50 so’z)


Imla: Tayır, gu’zardan, ha’wlisine, gu’lda’ste so’zleri u’stinde islenedi.
Analiz: Tayır gu’lshiden ne soradı? Ol o’sirgen gu’llerdi ne qıldı?
Reje sorawları:
1. Tayır jolda ushırag’an adamnan neni soradı?
2. Tayır na’llerdi ne qıldı?
3. Tayır oqıtıwshısına neni sawg’a qıldı?
Juwap jazıw ushın so’zler: gu’l na’llerin, gu’zar, suw, jumsattı, o’zi o’sirgen, gu’lda’ste.

GU’RRIN’ BO’LIMLERINE BIRGELIKTE TEMA QOYIP BAYAN JAZIW USHIN TEKSTLER

Bul jumıstın’ maqseti – tekstti aytıp beriwdegi izbe-izlikti baqlawda oqıwshılardın’ sanalılıg’ın arttırıw. Sonın’ menen birge, oqıw sabaqlarında u’yrengen u’zindinin’ mazmunına sa’ykes sorawlar du’ziw haqqında oqıwshılar bilimin bekkemlewden ibarat.

U’yshe
Batır ılaydan gerbish quydı. Gerbishten ku’shigine kishkene u’yshe jasadı.
Batır u’yshenin’ diywalların sıbadı. U’yshe tez arada pitti.
Batır u’ysheni doslarına ko’rsetti. U’yshege doslarının’ ha’wesi keldi. (25 so’z)