II bobning xulosasi
Ushbu bobda polimer kompozitsion materiallar olishda qo‘llaniladigan polimerlar va to‘ldiruvchilar xossalari, shuningdek, ularning xossalarini tadqiq qilishda foydalaniladigan zamonvaiy fizik kimyoviy usullar haqida bayon qilingan.
Qatlamli silikat asosida polimer materiallar olishning usullari bayon qilingan:
- insitu usuli -polimer sintezi , eritmada aralashtirish, - suyuqlanmada aralashtirish, - matritsa sintezi xakida suz yuritilgan.
III BOB. BAZALT MINERALI ASOSIDA OLINGAN POLIMER KOMPOZITLAR XOSSALARINING TADQIQOTI NATIJALARI
3.1-§. Mineral to‘ldiruvchi va polietilen, polipropilen, polivinilxlorid hamda poliamid asosida olingan polimer kompozitlarning fizik-mexanik xossalari
Polietilen P-Y 342 ning yuqori kristallanish darajasi ega ekanligi boshqa turdagi polietilenlarga nisbatan cho‘zilish mustahkam bo‘lishiga olib keladi. Shuningdek, u namga nisbatan chidamli, korroziyaga va eskirishga hamda ko‘pgina kimyoviy moddalar ta’siriga nisbatan inert hisoblanadi.
Hozirgi vaqtda nanoto‘ldiruvchilar va ular asosida polimer materiallar olish hamda ularni sanoat va texnikaning turli sohalarida qo‘llash tadqiqotchilarda katta qiziqish uyg‘otmoqda. Nanoqo‘shimchalar polimerlar tarkibiga ko‘p miqdorda an’anaviy to‘ldiruvchilar kabi qo‘shiladi [75; 62-65-b, 76; 66-69-b;]
Ushbu ishda P-Y 342 tarkibiga dispersion bazalt, hamda bazalt tolalarini katta miqdorda, ya’ni 20 dan 40 mas. %.gacha qo‘shish orqali ularning polietilen xossalariga ta’siri o‘rganildi. Ushbu to‘ldiruvchilarning xossalarini P-Y 342ga 30 mas. % miqdorda kiritilgan bo‘rning xossalari bilan solishtirildi, adabiyotlar tahlilida keltirilganidek bu miqdor odatda polietilenning quvur ishlab chiqarish uchun mo‘ljallangan turlari uchun qo‘llaniladi [77; 22-b.].
Ishda P-Y 342ning fizik mexanik xossalari o‘rganildi.
3.1-jadvalda bazalt asosida olingan polimer materiallarning fizik -mexanik xossalarning qiyosiy tahlili keltirilgan. Nanokompozitlarning xossalari nafaqat to‘ldiruvchilar konsentratsiyasiga, balki to‘ldiruvchilarning polimer asosda tarqalish darajasiga ham bog‘liq.
Do'stlaringiz bilan baham: |
