Belgi, ifodalanish, ifodolovchi

Bolalik yillari. Sossyur nomdor ajdodlari kabi  tabiatshunoslik  bilan emas, balki tilshunoslik bilan juda erta qiziqqan. Buning sabablari bor:
-          ona tomonidan bobosi Aleksandr-Jozef Purtalening boy kutubxonasidan bemalol foydalanish imkoni;
-          shu bobosi bilan  etnolingvistika va etimologiya fanlari xususida  olib borilgan suhbatlar. “Meni doimo tilshunoslik o’ziga tortardi” va “men ona tomondan bobomning  kutbxonasidan … va u bilan kechgan suhbatlardan oziqlanardim”, - deb yozgan F. do’ Sossyur o’sha saodatli kunlarini eslab ; 
-          12 yoki 13 yoshida keksa matematik, tilshunos va faylasuf, san’at va adabiyotning zukko bilimdoni, “olim va ayni paytda shoir” [F. do’ Sossyur], lingvistik paleontologiya (hind-evropa tillari materiallari asosida) asoschisi, “Les origines indo-europénnes ou les Aryas primitifs” (1859) va “Essai de paléonthologie lingvistique” (1863),  nomli ikki jildlik fundamental asar muallifi, nemis faylasuflari Hegel (Hegel) va F. Shellingning shogirdi va do’sti,    V. fon Shlegelning jo’rasi, Kuzenning  yaqin  do’sti va safardoshi Adolf Pikte (1799-1875) bilan uchrashgani, u bilan kechgan samimiy, do’stona va ilmiy suhbatlar.