Bilimlendiriw ministirligi

Joybar sızılmasında tómendegi ólshemler kórsetiledi:
Terezeler aralıqları, esik hám esik orınları hám basqa elementler;
Joybar kósherleri arasındaǵı aralıqlar;
Shetki diywallar kósherleri arasındaǵı aralıq.
Birinshi óshem sızıǵın 12-16 mm aralıqta, sızılmanı oqıwda qıyınshılıq tuwdırmaytuǵın halda ótkeriledi. Imarat joybarı ishinde bólme ólshemleriniń baǵdarı boyınsha, peregorodka qalıńlıǵı, esik ornı hám basqa konstruktiv elementlerdiń ólshemleri kórsetiliwi shárt. Joybarda bólmeler maydanı 0,01 m2 anıqlıkta jazıp qoyıladı. Maydandı kórsetiwshi cifrlar bólmeniń tómengi oń múyeshine bólek jazıladı. Bul cifrlar ólshemlerine salıstırǵanda úlkenirek shriftler menen jazıladı. Turaq-jay imaratları joybarında bólmeler atamaları kórsetilmesede boladı.Joybar pol qáddi kórsetilgen halda, qabatlar sanı yamasa basqa kesiwshi tegislikler belgisi menen ataladı.Mısalı: «0,000 qáddindegi plan», «2-qabat planı».Joybarda qırqıw ushın kesiwshi tegislikler jaǵdayı, kóriw baǵdarı strelka járdeminde kórsetiledi. Qırqım arab cifrları qatar sanı boyınsha ataladı, hámde alfavit bas háripleri menen qırqım belgileniwi múmkin. Mısalı: «Qırqım 1-1», «Qırqım A-A».
Joqarıda kórsetilgen dáslepki maǵlıwmatlar hám talaplarǵa tiykarlanıp «5 qabatlı 10 kvartiralı 3 hám 4 bólmeli turaq-jay imaratı» joybarın ayrıqsha basqıshlarda sızıp kóremiz. Dáslep berilgen sxemanıń QMQ 2.08.01-94 «Turar joy imoratlari»na sáykes keliwi kórilip shıǵıladı.
QMQǵa tiykarlanıp:
berilgen kvartira yamasa bólmeler sanına sáykes túrde, keltirilgen joybar sxemasın talqılaw;
tapsırmada berilgen tiykarǵı konstruktiv elementler menen tanısıp shıǵıw, olardıń ózine tán táreplerin anıqlaw;
sırtqı hawa esaplı temperaturası, qurılıs ornınıń ıǵallıq zonası, topıraqtıń muzlaw tereńligin anıqlaw.
Esaplı temperatura shama menen sırtqı hawanıń eń suwıq bes kúnlik hám eń suwıq kún-túni ushın támiynlengenligi 0,92 bolǵan ortasha temperaturası qabıl etiledi. Bul maǵlıwmatlar QMQ 2.01.01-94. «Loyihalash uchun iqlimiy va fizikaviy-geologik» maǵlıwmatlar kestesinen belgilengen qurılıs rayonına tiyisli alınadı. Qurılıs rayonınıń ıǵallıq zonası QMQ 2.01.04-97 «Qurilish texnikasi»nan anıqlanadı. Topıraqtıń muzlaw tereńligi QMQ 2.01.01-94 boyınsha anıqlanadı. Joybarlawdıń dáslepki maǵlıwmatların úyrengen student imarat joybarınıń eskizin tayarlawǵa kirisedi.