Bino va inshootlar qurilishi

Tekshiruv va tashxis usullari.

Tekshirish usullari	Bino elementlarining tavsifi	qiyosiy mehnat sarflilik
Ko’rish	Ko’rish uchun imkon bo’lishi lozim	I
Mexanik-oddiy asboblar yordamida	Tosh, beton, qisman yog’och	II
Buzilmas usullarda-asboblar bilan	Beton, g’isht, metall, yog’och	II
Laboratoriyaviy	Namuna olish mumkin bo’lgan joylarda	III
Asliy sinov	Buzish mumkin bo’lgan elementlar	IV

Asliy sinovlar so’zsiz aniq natijalar beradi va ulardan nihoyatda ma’sulyatli hollarda foydalaniladi, chunki bunday sinovlarda hatto sinalayotgan qo’shni elementlar zararlanishi va buzilishi ham mumkin. Asliy sinovlarni tashqi yuklar qo’yish yo’li bilan o’tkaziladi.

Tekshirishni tashxisdan o’tkazish uchun uni tashkillashtirishning ko’pgina usullari bor. Tekshirish tizimi bir necha bosqichdan: ko’rish asboblar va laboratoriya jihozlari yordamida tekshirish. Tekshirishda binoning devorlaridagi, orayopmalardagi va o’rtadevorlardagi pardoz qatlami ostida yashirin yuk ko’taruvchi elementlarning konstruktiv sxemalarini, hamda konstruktiv elementlarning birgalikda ishlash sharoitlarini aniqlashdan iborat. Ko’rik va tekshiruvlarning materiallari yuk ko’taruvchi konstruktsiyalarni nazorat hisoblash uchun foydalaniladi, ba’zan bunda hisob natijalarini konstruktsiyaning haqiqiy holati bilan mos kelmasligi sodir bo’lishi mumkin.
Buning sababi, hisoblashlarda elementlar ayrim holatda ishlaydi deyiladi, aslida esa binoda ular bir-biri bilan bog’liqdir. Bundan tashqari ayrim elementlar vaqt o’tishi bilan mustahkamlanib boradilar. Jumladan, zaminda yuk ko’tarish qobiliyati esa, uning zichlanishi oqibatida oshadi. Orayopma haqiqiy yuk ko’tarish qobiliyatining hisobiy qiymatdan ancha kattaligi, balkaning birikuv qismidagi bikrlikning ta’siri va boshqa elementlarning uning bilan yonma-yonligini ta’minlaydi. Tekshiruvda binoning barcha elementlarini imkoni boricha aniqroq topish lozim va ularning kelgusida foydalanilishiga yoki qisman shikastlanish paydo bo’lishi bilan almashtirilishiga tavsiya berish lozim. SHuning uchun oqilona remont usuli hamisha afzalroq va tejamliroqdir.