Божхона назорати ва уни амалга ошириш тартиби

---

Bojxona nazorati va uni amalga oshirish tartibi 
 
 
 
Reja: 
 
 
1. Bojxona nazorati va shakllari. 
2. Bojxona ko‘rigidan o‘tkazish tartibi. 
3. Bojxona omborlari va erkin omborlar. 
4. Tovarlarni bojxona nazorati ostida saqlash va realizasiya qilish 
5. Tovarlar va transport vositalarini bojxona nazorati ostida tashish. 
6. Bojxona organining lisenziyasi. 
 
 
 
 
 

---

 
1. Bojxona nazorati va shakllari. 
 
Bojxona nazorati bojxona organlarining mansabdor shaxslari tomonidan quyidagi yo‘llar bilan o‘tkaziladi: 

bojxona maqsadlari uchun zarur bo‘lgan hujjatlar va ma’lumotlarnitekshirish; 

jismoniy va mansabdor shaxslarni og‘zaki so‘rab-surishtirish; 

bojxona ko‘rigidan o‘tkazish; 

tovarlar, transport vositalari, binolar va boshqa joylarni bojxona tomonidan qiyoslash; 

tovarlar va transport vositalarini hisobga olish; 

hisobga olish va hisobot tizimini tekshirish; 

bojxona nazoratidan o‘tkazilishi lozim bo‘lgan tovarlar va transport vositalari turishi mumkin bo‘lgan 
yoxud nazorat qilish bojxona organlari zimmasiga yuklatilgan faoliyat amalga oshirilayotgan hududlar, 
binolar va boshqa joylarni tekshirish; 

qonun hujjatlarida nazarda tutilgan boshqa shakllarda. 
Bojxona nazorati o‘tkazilayotganida inson, xayvonot va o‘simliklar hayoti va sog‘ligi uchun xavfsiz bo‘lgan
hamda tovarlar va transport vositalariga ziyen yetkazmaydigan texnikaviy va boshqa vositalar qo‘llanilishi 
mumkin. Bojxona nazoratini o‘tkazish qoidalari qonun hujjatlarida belgilanadi. 
O‘zbekiston Respublikasining bojxona chegarasi orqali olib o‘tiladigan hamda shartli chiqarib
yuborilgan tovarlar va transport vositalari bojxona nazoratidan o‘tkazilishi lozim, Bojxona kodeksning 49, 50, 117-
126-moddalarida nazarda tutilgan hollar bundan mustasno. Bojxona organlari erkin bojxona zonalari va erkin 
omborlarda turgan tovarlar ustidan qonun hujjatlarida belgilangan tartibda bojxona nazoratini amalga oshirishga 
haqlidir. 
Bojxona organlari bojxona hududidan bojxona organining ruxsatisiz chiqib ketgan transport
vositalarini majburiy ravishda to‘xtatish, dengiz, dare va havo kemalarini majburiy ravishda orkaga qaytarishga 
haqlidir, chet el kemalari va boshqa davlatlarning hududida turgan kemalar bundan mustasno.