Болалар ёшида учрайдиган тиш каттик

 
5.2.12. Sistemali emal gipoplaziyasining boshqa turlari
(Getchinson, Furne, Pflyuger tishlari). 
Getchinson tishlari – asosan yuqori jag` markaziy kurak tishlarining 
yassilanib ochqichsimon yoki tish o`qi bo`ylab yumaloqlashib 
xumsimon-bochkasimon shaklni olishidir. Bu xildagi tishlarning 
kesuvchi qirralarida yarim oysimon o`yiqlar, emalning yupqalashganligi 
yoki butunlay bo`lmasligi kuzatiladi. Tishlar bo`yin qismining 
o`lchamlari kesuvchi qismiga qaraganda kattarok bo`lishi xususiy xol 
xisoblanadi. 

---

116 
Furne tishlari – uchun xam ochqichsimon shakl xarakterli bo`lib 
faqat kesuvchi yuzasida yarimoysimon o`yiqlar bo`lmaydi. 
Ilgarilari Getchinson va Furne tishlari faqatgina tug`ma zaxm 
kasaliga chalingan bolalarda uchraydi deb xisoblashgan va asosiy 
simptomlar uchligiga kiritilgan belgilardan xisoblangan (Getchinson 
tishlari-tug`ma karlik-parenximatoz keratit). Ammo lekin, keyinchalik 
olib borilgan kuzatuvlar Getchinson, Furne tishlar anomaliyasi faqat 
tug`ma zaxmda emas, balki gipoplaziyasida xam uchrashi aniqlangan.
Pflyuger tishlari – birinchi molyar tishlarda uchrab, tish bo`yin 
qismining chaynov qismidan yo`g`onligi bilan ajralib turishi bilan 
tavsiflanadi. Bu tishlarda chaynov do`mboqchalari rivojlanmagan bo`lib, 
tishlar konussimon shaklga ega bo`ladi. Tishlarning bunday shaklga ega 
bo`lishini zaxm infeksiyasi toksinlarining ta’siri oqibati natijasida sodir 
bo`ladi deb tushuntiriladi. 
Bunday yuqorida keltirilgan xastaliklarda katta yoshdagi bolalar 
kosmetik nuqsonga, tishlar yorilib darz ketishiga va ularning 
siyqalanishiga shikoyat qilishadi. 
Davolashda qilinadigan muolaja klinik belgining namoyon 
bo`lishiga bog`liq. Kosmetik nuqsonlarda bolalar yoshini inobatga olgan 
xolda zamonaviy plomba materiallaridan foydalanib restavratsiya ishlari 
tavsiya qilinadi. Bunda glassionomer, kompomer, kompozit nurda 
qotuvchi materiallardan keng foydalaniladi.
Tishlarda ko`plab yoriqlar, kuchli siyqalanishlar mavjud bo`lgan 
taqdirda ortopedik yordam ko`rsatish maqsadga muvofiq xisoblanadi.