Bolalarda, Chanoq umurtqa pog‘onasi va oyoq shikastlarining xususiyatlari chanoq suyaklarining sinishI

Chanoq suyagi halqasi butunligining buzilishi bilan sinishi. Bunday sinishlar 
bemorlarda og‘ir kechadi. Ular shok holatida bo‘lishlari mumkin. 
1. Oldingi yarim halqaning sinishi. Bu holatda bemorlarni qov va chanoqning oldingi 
va oraliq sohasidagi ogriq bezovta qiladi. Oyoqni qimirlatish og‘riqni kuchaytiradi. Bemorlar 
oyoqni yarim bukilgan va tashqariga chiqarilgan holatda ushlaydilar, bu Volkovich holati deb 
ataladi. Singan joyni paypaslaganda va ehtiyotlik bilan bosib ko‘rganda og‘riq kuchayadi. 
Tashxis rentgen tasvirda siniq bo‘laklarining joylashuviga qarab qo‘yiladi. 
Davosi. Bemorlarni davolashda albatta og‘riqsizlantirishga katta e’tibor beriladi. Shokka 
qarshi kurash bilan bir qatorda chanoq sohasi Shkolnikov uslubida mahalliy og‘riqsizlantiriladi. 
Bemor tekis yerga yotqiziladi, keyin Volkovich holatiga o‘tkaziladi. Birinchi haftadanoq 
jismoniy davolash mashqlari o‘tkaziladi, yotish muddati 5—6 haftagacha davom etadi. 
Fizioterapevtik muolajalar qilish maqsadga muvofiqdir. Agar bemorda oldingi halqalar ikki 
tomonlama bo‘lsa, u holda singan suyakning yuqoriga siljishi kuzatiladi. Bunday paytda 
qorinning to‘g‘ri muskulini bo‘shatish uchun Volkovich holatidan tashqari bemorning bosh 
tomoni ko‘tariladi. Bu holatda ham U-simon suyakning singan bo‘lagini pastga tushirish uchun 
ikkala oyoqqa tosh osib qo‘yiladi. Agar jarohatlanish simfiz sohasida bo‘lib, qov suyaklari bir-
biridan uzoqlashgan bo‘lsa, u holda bemor gamakka olinadi. Agar konservativ davo yordam 
bermasa, bemorlar operatsiya usulida davolanadilar. Operatsiya vaqtida qov suyaklarini bir-
biriga yaqinlashtirib bog‘lab qo‘yiladi, yosh bolalarda esa tikib qo‘yish mumkin. 
2. Orqa yarim halqaning sinishi. Bu holda bemorlarda dumg‘aza-yonbosh sinxondrozi 
uzilishi yoki yonbosh suyagi sinishi mumkin. Bemor chanoq suyagining sinmagan tomonida 
yotishga harakat qiladi. Singan oyoqda og‘riq kuchayadi. Jarohatni ehtiyotlik bilan bosib 
ko‘rilganda og‘riq kuchayadi. 
Tashxis qo‘yishda rentgen tesviri katta yordam beradi. 
Davosi. Bemorlarni albatta gamakka yotqizib qo‘yiladi, chunki gamak singan va 
jarohatlangan yuzalarni bir-biriga yaqinlashtiradi. Bunday bemorlarga ham og‘riqsizlantirish 
o‘tkazish maqsadga muvofiqdir. Agar suyaklarning singan yeridan ularning o‘zaro siljishi 
kuzatilsa, u holda albatta oyoqni tortib qo‘yish lozim. Bemorlar 4—5 hafta davomida 
davolanadilar.