Boronalar va g'altaklarning nazariyasi va hisobi Boronalar G'altaklar va g'ildiraklar

Sferik diskning kuch tavsifi.
Boshqasi R¹¹ diskning aylanish o'qiga parallel va egat tubidan taxminan disklarning ishlov chuqurligini yarmiga teng bo'lgan masofada joylashgan.
Ikkita kesishgan kuchdan uchta R_x, R_y va R_z kuchlarga o'tish maqsadga muvofiqdir, chunki R_x kuchini chiziqli dinamometrlash yo'li bilan yoki ma'lumotnomalardan, R_y va R_z kuchlarni esa R_x kuchi bilan tajribaviy o'rnatilgan nisbatlardan aniqlash mumkin.
Diskli qurollarda R_y va R_z kuchlarni aniqlash uchun quyidagi nisbatlardan foydalanish mumkin: R_y=nR_x, R_z=mR_x, bu yerda boronalar uchun n=0,12-1,2, m=0,76-1,57.
Bunda n ning katta qiymatlari kichik ishlov chuqurligi va katta yo'nalish burchagiga, m ning katta qiymatlari esa katta ishlov chuqurligi va kichik yo'nalish burchagiga mos keladi.
Diskli qurollarning muvozanatligi
Diskli qurollarning muvozanatlik shartlari ko'rilganda, ayniqsa tirkamalarning, gorizontal tekislik bilan cheklanish yetarli hisoblanadi, chunki bu tortish chizig'ining maqbul yo'nalishini aniqlash bilan bog'liq.
Diskli batareyalar simmetrik joylashganda (81 a-rasm) va bir xil ishlov chuqurligida chap va o'ng batareyalarning teng ta'sir etuvchilari 'LR¹_xy va 'LR¹¹_xy bir-biriga qiymati bo'yicha teng, ularning kesishish nuqtasi 1 esa diskli qurolning bo'ylama o'qida yotadi. Teng ta'sir etuvchi ZR_xy tirkash nuqtasi orqali o'tadi,