Bozor va tadbirkorlik

Tadbirkorlik qonunchiligi – bu tadbirkorlik faoliyati bilan bog‘liq bo‘lgan munosabatlarni tartibga soluvchi vakolatli davlat organlari tomonidan belgilangan tartibda qabul qilingan normativ-huquqiy hujjatlar yig‘indisidan iborat.

Tadbirkorlik faoliyati bilan bog‘liq munosabatlarda O‘zbekiston Respublikasi Oliy Sudi Plenumi qarorlari o‘ziga xos o‘ringa ega. Ular tadbirkorlik huquqi uchun manba bo‘lmasa-da, qonunlar va boshqa qonunosti hujjatlarini iqtisodiy sudlari tomonidan to‘g‘ri qo‘llashda, xo‘jalik nizolarini tez va to‘g‘ri hal etishda sudlarga tushuntirishlar berib, muhim amaliy ahamiyat kasb etadi.
Misol uchun, O‘zbekiston Respublikasi Oliy Sudi Plenumi va Oliy xo‘jalik sud plenumining 2012-yil 14-sentyabrdagi 12/239-son “Tadbirkorlik subyektlari faoliyati bilan bog‘liq qonun hujjatlarini sud amaliyotida qo‘llashning ayrim masalalari haqida”gi qarori sudlar va ushbu masala taalluqli barcha shaxslar uchun majburiy ahamiyatga ega bo‘lgan hujjat hisoblanadi.