Бухгалтерия ҳисобининг халқаро стандарти 28 Қарам тадбиркорлик субъектларидаги ва қўшма корхоналардаги инвестициялар Мақсади

---

БҲХС 28 
©
МҲХС Фонди 
1
Бухгалтерия ҳисобининг халқаро стандарти 28
Қарам тадбиркорлик субъектларидаги ва қўшма корхоналардаги 
инвестициялар 
Мақсади 
1 
Ушбу Стандартнинг мақсади қарам тадбиркорлик субъектларидаги инвестицияларга 
нисбатан бухгалтерия ҳисобини белгилаш ҳамда қарам тадбиркорлик субъектлари ва қўшма 
корхоналардаги инвестицияларни ҳисобга олишда улуш бўйича ҳисобга олиш усули 
қўлланилишига нисбатан талабларни белгилашдан иборатдир.
Қўллаш доираси 
2 
Ушбу Стандарт инвестиция объекти устидан қўшма назоратга, ёки аҳамиятли таъсирга эга 
бўлган барча инвестор тадбиркорлик субъектлари томонидан қўлланилиши лозим.
Таърифлар 
3 
Ушбу стандартда қуйидаги белгиланган маънодаги атамалардан фойдаланилади :
Қарам тадбиркорлик субъекти - бу шундай тадбиркорлик субъектики, бунда инвестор унинг 
устидан аҳамиятли таъсирга эгадир. 
Жамланган (консолидациялашган) молиявий ҳисоботлар - бу гуруҳнинг молиявий ҳисоботлари 
бўлиб, унда бош ташкилот ва унинг шуъба тадбиркорлик субъектларининг активлари, 
мажбуриятлари, капитали, даромадлари, харажатлари ва пул оқимлари ягона иқтисодий 
фаолият юритувчи субъектга тегишли сифатида тақдим этилади.
Улуш бўйича ҳисобга олиш усули - бу бухгалтерия ҳисобининг усули бўлиб, ушбу усул бўйича 
инвестиция дастлаб таннархда тан олинади ва сўнгра инвесторнинг инвестиция объектининг 
соф активларидаги улушининг сотиб олишдан сўнгги ўзгаришларига тўғриланади. 
Инвесторнинг фойда ёки зарари унинг инвестиция объектининг фойда ёки зараридаги 
улушини ўз ичига олади ва инвесторнинг бошқа умумлашган даромади унинг инвестиция