Тест валидлиги - психологик тадқиқотларда олинган натижаларнинг объектив талқин мезонларига мос келиши.
Тестнинг ишончлилиги - тестнинг сифатини кўрсатувчи мезонлардан бири. Тест натижаларининг барқарорлигини ва такрорланишини кўрсатади.
Фаолият – инсон онги ва тафаккури билан бошқариладиган, ундаги турли-туман эҳтиёжлардан келиб чиқадиган, ташқи оламни ва ўз-ўзини ўзгартириш ҳамда такомиллаштиришга қаратилган ўзига хос фаоллик шаклига айтилади.Кишининг англанилган мақсад билан бошқариб туриладиган ички (психик) ва ташқи (жисмоний) фаоллиги .
Фаолият акцептори - функционал системаларда фаолият натижаси баҳосини ва уни олдиндан кўра билиш психологик механизми .
Фаоллик - тирик мавжудотга хос умумий хусусият.У теварак атроф –муҳит билан ўзаро таъсирда намоён бўлади.
Фаолиятни оптималлаштириш - меҳнат қилиш, ўқиш учун энг қулай шароитлар, психологик имкониятлар яратиш йўли билан муайян фаолиятнинг самарадорлигини ошириш.
Фаолият усуллари – киши фаолияти жараёнидаги ҳатти-ҳаракатларини ижро этиш, назорат қилиш ва бошқаришда фойдаланадиган йўл-йўриқлар.
Хулқ маданияти - инсоний ҳаётнинг барча талаб ва қоидаларига риоя қилиш, атрофдагилар билан бўлган муомалада тўғри оҳанг ва меъёр топа билишдан иборат индивидуал хислат.
Хулқнинг ниқобланиши - шахс хулқининг объектив шароитларга қараб, айниқса бошқа нотаниш шахслар орасида бирданига тўла-тўкис намоён бўлмаслигидан иборат қонуният.
Хулқ-атвор - инсон ҳамда ҳайвонларнинг ташқи муҳитга бўлган муносабатини ва ички психик ҳаётини ифодаловчи ҳатти-ҳаракатлар тизими.
Хулқ эстетикаси - одам хулқида ва ҳатти-ҳаракатлардаги гўзаллик хислатлари.
Шакллантирувчи тажриба - психология методи, бу метод орқали шахсда зарурий психик жараён ёки сифатлар режали равишда шакллантирилади.
Ўз-ўзини кузатиш – инсоннинг ўз-ўзини руҳий ҳолатини, маънавий ва жисмоний фаолиятини кузатиш усули.
Ўз-ўзини назорат қилиш – инсоннинг ўз ҳолатини ўзи томонидан бошқариб назорат қилиши.
Do'stlaringiz bilan baham: |
