Buyrak og’rig’i — sabablari, tashxislash, davolash choralari, xalqona vositalar Buyrak og’rig’i

Sabablari va alomatlari
Buyrak og’rig’i nafaqat o’tkir bo’lishi mumkin. Bunda quyidagi og’riq turlari farqlanadi:

• 
  Simillovchi;
  
• 
  Tortuvchi;
  
• 
  O’tmas;
  
• 
  Sanchuvchi.
  

Og’riq davomiyligi bilan ham farq qiladi. U bemorni doimiy ravishda yoki ba’zi-ba’zida bezovta qilishi mumkin. Ifodalanish darajasiga ko’ra: yengil, o’rtacha intensivlikdagi va kuchli og’riq turlari ajratiladi.
Buyrak-tosh kasalligi belgilari:

• 
  Isitma;
  
• 
  Siydikda qon bo’lishi;
  
• 
  Ko’ngil aynishi;
  
• 
  Bo’shashishga tez-tez va samarasiz chorlash.
  

Pielonefrit quyidagi alomatlar to’plami bilan tavsiflanadi:

• 
  Bir vaqtning o’zida ham simillovchi, ham o’tmas og’riq mavjudligi;
  
• 
  Tana haroratining ko’tarilishi;
  
• 
  Siydikda aralashmalar mavjudligi, uning rangi xira bo’lishi;
  
• 
  Qayt qilish xurujlari;
  
• 
  Ishtaha yo’qolishi;
  
• 
  Qiyin, doimiy og’riq bilan kechadigan peshob chiqarish;
  
• 
  Shishlar.
  

Glomerulonefritli bemorlarda kuzatiladigan alomatlar:

• 
  Vaqti-vaqti bilan bezovta qiladigan buyrak og’rig’i;
  
• 
  Chiqarilgan peshob miqdorining muntazam ravishda kamayib borishi. Unda qon elementlari mavjudligi, xiraligi;
  
• 
  Qon bosimi ko’tarilishi;
  
• 
  Shishlar;
  
• 
  Ishtahaning pasayishi;
  
• 
  Chakka va peshona sohalarida og’riq;
  
• 
  Yurakda sanchiqlar sezilishi.
  

Boshqa kasalliklarda
Kasallik turi	Alomatlari
Gidronefroz	Ko’plab alomatlariga ko’ra glomerulonefritga o’xshash. Ammo unda qorin bo’shlig’ida og’irlik hissi, uvishish, titroq kabi alomatlar ham kuzatiladi.
Buyrak yetishmovchiligi	Tana harorati ko’tarilmaydi, ammo unda ajraladigan peshob miqdori kamayadi yoki umuman ajralmay qo’yadi.
Buyrak tushishi	Chap tomondan tortib og’rishi, ayniqsa kechga yaqin. Tushish mexanik shikastlanish yoki a’zoda tosh mavjudligi sababli yuzaga kelgan bo’lishi mumkin.
Buyrak saratoni	Simillab og’rishga tushuntirib bo’lmaydigan charchoq hamrohlik qiladi.

Buyrak og’rig’i yaqin joylashgan a’zolar: jigar, oshqozon yoki taloqqa tarqalishi mumkin.