Чет элликларни ёллаш учун тасдиқнома қандай олинади

Чет элликларни ёллаш учун тасдиқнома қандай олинади

.

Тасдиқномани олиш

Тасдиқнома – бу Чет эл фуқаросига Ўзбекистон Республикасида ишлаш ҳуқуқини берувчи ҳужжатдир. Тасдиқномани олиш учун ЯИДХП да ёки «Лицензия» ахборот тизимида рўйҳатдан ўтинг ва ўз шахсий кабинетингизни очинг. Буни иш берувчи – юридик шахс ҳам, хорижий давлат фуқароси ҳам амалга ошириши мумкин. Бунда аризани электрон раыамли имзо билан тасдиылаш лозим (Ягона низомнинг 6 ва 10-банди, 22.02.2022 йилда ВМҚ № 86-сонли қарорга 1-илова).
Шахсий кабинет орқали аризани расмийлаштиринг. Ариза рўйхатдан ўтказилганлигини тўғрисидаги тасдиқномани ариза берувчининг шахсий кабинетига юборилади (Ягона низомнинг 5-банди, 22.02.2022 йилда ВМҚ № 86-сонли қарорга 1-илова). Кейинчалик, ариза Бандлик ва меҳнат муносабатлари вазирлиги ҳузуридаги Ташқи меҳнат миграцияси масалалари агентлигига юборилади. Агентлик иш берувчи томонидан сўралган чет эл фуқаролари сони ва мутахассисликларнинг уларнинг ишчи кучига ҳақиқий эҳтиёжига мувофиқлигини ўрганади.
15 иш куни ичида ариза берувчининг шахсий кабинетига қабул қилинган қарор тўғрисида ҳабарнома юборилади. Ижобий қарор қабул қилинган тақдирда, ариза берувчига йиғим бўйича ҳисоб берилади ва тасдиқномани бериш учун йиғим миқдорини кўрсатилади.
Йиғим суммаси олингандан сўнг аризачининг шахсий кабинетига электрон шаклда QR-код кўрсатилган тасдиқнома юборилади.

Эътибор беринг

Ўзбекистон Республикасида хориж ишчи кучларини жалб этиш ва фойдаланиш тартибини бузиш қуйидагича жаримага тортишга олиб келади:

Фуқароларга	Мансабдор шахсларга
5 дан 10 БҲМгача	10 дан 25 БҲМгача
Йил давомида такроран	Жазо қўлланганидан кейин
10 дан 15 БҲМгача	25дан 50 БҲМгача

МЖтК 49-4-моддаси.
Қуйидагиларга меҳнат фаолиятини амалга ошириш учун тасдиқномани расмийлаштирманг:

• 
  Ўзбекистон Реапубликасига 8 500 БҲМ дан кам бўлмаган миқдорда сармоя киритган чет эл фуқароларига (07.11.2018 йилда ПФ № 4008 5-банди «а» кичик банди);
  
• 
  ТИВда аккредитация қилинган хорижий давлатларнинг доимий ваколатхоналари, халқаро ҳукуматлараро ташкилотлар ва давлат ташкилотлари ваколатхоналари ходимлари;
  
• 
  дипломатик мақомга эга бўлган шахслар;
  
• 
  Туризм ва маданий мерос вазирлигининг талабига биноан уч ойгача бўлган муддатга туризм билан шуғулланувчи мутахассислар;
  
• 
  республика ҳудудида фаолият юритаётган ёки ташкил этилаётган ЯТ ва ҚК муассислари;
  
• 
  Ўзбекистонда янги ташкил этилган ёки мавжуд ЯТ ва ҚКнинг биринчи раҳбарлари;
  
• 
  давлатлараро шартномаларга мувофиқ республика ҳудудида ташкил этилган ташкилотларда ишлаётган фан ва маданият арбобларига;
  
• 
  Ўзбекистон Республикаси олий таълим муассасаларининг дастурлари доирасида таътил вақтида ишлаб чиқариш амалиётини ўтаётган талабаларга;
  
• 
  Ўзбекистон Республикаси ТИВ аккредитациядан ўтказилган матбуот вакилларига;
  
• 
  АВда аккредитациядан ўтказилган ННТ, шунингдек, халқаро ва хорижий ННТ ваколатхоналари ҳамда филиалларининг ходимлари;
  
• 
  вилоятлар ва Тошкент шаҳридаги Президент мактаблари, шунингдек, олий таълим муассасаларида ишлаш учун жалб этиладиган ўқитувчилар ва мутахассисларга;
  
• 
  Ўзбекистон худудида яшаш гувоҳномасини олган шахсларга;
  
• 
  халқаро шартномалар билан ишга жойлаштиришнинг бошқа тартиби белгиланган шахсларга.