Chirchiq davlat universiteti huzuridagi ilmiy darajalar beruvchi dsc

CHIRCHIQ DAVLAT UNIVERSITETI HUZURIDAGI ILMIY DARAJALAR BERUVCHI DSc.03/30.04.2021.Ped.82.03 RAQAMLI ILMIY KENGASH

Chirchiq-2023

BARATOV JO‘RAQO‘ZI SHUKURJON O‘G‘LINING

“UMUMIY O‘RTA TA’LIM MAKTABLARIDA FIZIKA O‘QITISHNING METODIK TIZIMINI NOSTANDART TOPSHIRIQLAR ASOSIDA TAKOMILLASHTIRISH (molekulyar fizika bo‘limi misolida)”
MAVZUSIDAGI
13.00.02 – Ta’lim va tarbiya nazariyasi va metodikasi (fizika)
IXTISOSLIGI BO‘YICHA FALSAFA DOKTORI (PhD) ILMIY DARAJASINI OLISH UCHUN YOZILGAN

DISSERTATSIYA TAQDIMOTI
Ilmiy rahbar: p.f.f.d., (PhD) dotsent. E.B.Xujanov

• TOSHKENT DAVLAT PEDAGOGIKA UNIVERSITETI

MAVZUNING DOLZARBLIGI

Dunyo ta’limi oldiga ham bugungi davr katta vazifa va talablarni qo‘ymoqda. Bunda qo‘yilgan asosiy talab yosh avlodni ma’naviy-axloqiy va intellektual rivojlanishini sifat jihatdan yangi darajaga ko‘tarish hamda, tez o‘zgarayotgan dunyoga moslashishni amalga oshirishdan iborat. Shu bilan birga o‘quv tarbiya jarayoniga ta’lim tizimini isloh qilishning innovatsion shakllari va usullarini joriy etishga qaratilgan. Jaxonda ixtisoslashtirilgan maktab, kollej, litseylarda o‘quvchilarning tabiiy fanlar bo‘yicha bilimlarini PISA, TIMSS kabi xalqaro dasturlar asosida rivojlantirish hamda o‘qitishda yangi interfaol metodlarni, qo‘llash davr talabi hisoblanadi. O‘quvchilarning yosh psixologik, ijtimoiy va kognitiv rivojlanishi, ijodiy va mantiqiy fikirlashini xalqaro tadqiqotlar asosida rivojlantirish, o‘quvchilarning mustaqil fikirlash qobiliyatlari va o‘zlashtirilgan bilimlarni kundalik amaliyotda qo‘llay olishi muhim ahamiyat kasb etmoqda. Mamlakatimizda umumiy o‘rta ta’limi maktablari fizika fanini o‘qitish metodikasi bo‘yicha bir qator muammolar o‘z yechimini kutmoqda. Bu muammolarning aksariyati, fizikadan berilayotgan bilim, ko‘nikma malakalarning o‘quvchilar tomonidan o‘zlashtirish darajasi bugungi kun talabiga mos emasligi bilan bog‘liq. Binobarin, “Umumiy o‘rta ta’lim muassasalarida fizika fanini o‘qitish sifatini oshirish, darsliklar va o‘quv qo‘llanmalarini takomillashtirish”, “Ta’lim jarayoniga zamonaviy o‘qitish uslublarini, shu jumladan axborot-kommunikatsiya texnologiyalarini keng joriy qilish” kabi ustuvor vazifalar belgilab berildi. Hozirgi kunda bu muammolarning dolzarbligi yanada oshib, ta’lim sohasida ota-onalar hamda o‘quvchilar tomonidan ta’lim mazmuniga qo‘yiladigan zamonaviy talablar ta’limni innovatsion usullarda yangi mazmun bilan to‘ldirish zarurligini taqozo etadi.

TADQIQOT ZARURATINI BELGILAB BERUVCHI MEYORIY-HUQUQIY HUJJATLAR AR

• O‘zbekiston Respublikasi Prezidenti Shavkat Mirziyoyev 2020 yil 29 dekabrda Oliy Majlisga Murojaatnomasida quydagi “fizika va uni o‘qitish metodikasini takomillashtirish masalalariga alohida etibor qaratib 2021 yilda fizika va chet tillarini o‘rganishni ustuvor yo‘nalish etib belgilashni” taklif etdilar.
• O‘zbekiston Respublikasi Prezidentining 2019 yil 29 apreldagi PF-5712-sonli O‘zbekiston Respublikasi Xalq ta’limi tizimini 2030 yilgacha rivojlantirish konsepsiyasini tasdiqlash to‘g‘risida,
• 2022 yil 28 yanvardagi PF-60-son “2022-2026 yillarga mo‘ljallangan yangi O‘zbekistonning Taraqqiyot strategiyasi to‘g‘risida”gi farmonlari,
• 2021 yil 19 martdagi “Fizika sohasidagi ta’lim sifatini oshirish va ilmiy tadqiqotlarni rivojlantirish chora-tadbirlari to‘g‘risida”gi PQ-5032-son Qarorlari hamda mazkur faoliyatga oid boshqa meyoriy-huquqiy hujjatlarda belgilangan vazifalarni amalga oshirishda mazkur dissertatsiya ishi muayyan darajada xizmat qiladi.