Давлат солиқ хизмати органлари мансабдор

886-савол. Ортиқча тўланган солиқ солиқ тўловчига солиқ органи 
томонидан ариза олинган кундан эътиборан қанча кун ичида 
қайтарилиши лозим? 
Жавоб: Ортиқча тўланган солиқ солиқ тўловчига ариза олинган кундан 
эътиборан ўн беш кун ичида қайтарилиши лозим. 
887-савол. Солиққа оид ҳуқуқбузарликлар тўғрисидаги қарор 
қачон қабул қилинади? 
Жавоб: Текшириш далолатномаси кўриб чиқилганидан кейин беш кун 
ичида қабул қилинади. 
888-савол. Солиқ мониторингини ўтказиш муддати қанча? 
Жавоб: Солиқ 
мониторингини 
ўтказиш 
солиқ 
мониторинги 
ўтказиладиган йилнинг 1 январидан, солиқ мониторинги ўтказилган даврдан 
кейинги йилнинг 1 июлигача. 
889-савол. Солиқ органлари солиқ аудити ўтказилиши бўйича 
қачон солиқ тўловчига хабарнома юборади? 
Жавоб: Солиқ органлари солиқ аудити ўтказилиши бошланишидан 
камида ўттиз календарь кун олдин солиқ тўловчига солиқ аудити тўғрисида 
хабарнома юборади.

---

171 
890-савол. Солиқ 
аудитини ўтказишнинг умумий муддати 
(узайтиришлар билан) қанча? 
Жавоб: Солиқ аудитининг умумий муддати олти ойдан ошиши мумкин 
эмас. 
891-савол. Жисмоний шахс томонидан ЯТТ фаолиятини давлат 
рўйхатидан ўтмасдан амалга оширганда қанча миқдорда жаримага 
тортилади? 
Жавоб: Ушбу фаолиятдан олинган даромаднинг ўн фоизи миқдорида, 
лекин бир миллион сўмдан кам бўлмаган миқдорда. 
892-савол. Солиқ 
ҳисоботини 
солиқ 
тўғрисидаги 
қонун 
ҳужжатларида белгиланган муддатларда тақдим этмаслик қанча 
миқдорда жаримага тортилади? 
Жавоб: Молиявий жаримага тортилмайди. Маъмурий жаримага 
мансабдор шахслар базавий ҳисоблаш миқдорининг 10 баробари миқдорида, 
жисмоний шахслар уч баробари миқдорида тортиладилар.