Диссертация мавзусининг долзарблиги ва зарурати

Тадқиқот натижаларининг жорий қилиниши. Ўзбекистон аҳолисининг ижтимоий-демографик жараёнлар тарихини тадқиқ этиш натижасида ишлаб чиқилган илмий хулоса ва таклифлар асосида:
мустақиллик шароитидаги ижтимоий-иқтисодий ўзгаришларнинг аҳоли турмушида акс этиши, аҳолининг камбағаллашуви ва уларни ижтимоий ҳимоялашда пул маблағларининг аҳолига етиб бормай талон-тарож қилинганлигини очиб берувчи маълумотлардан Ўзбекистон Республикасининг Биринчи Президенти Ислом Каримов номидаги илмий- маърифий ёдгорлик мажмуасида “Мустақиллик йилларида Ўзбекистоннинг ижтимоий-иқтисодий ривожланиши” номли кўргазма ташкил этишда фойдаланилган (Ўзбекистон Республикасининг Биринчи Президенти Ислом Каримов номидаги илмий-маърифий ёдгорлик мажмуасининг 2022 йил 23 августдаги 1/181-сон маълумотномаси). Улар музейлаштирилиши давом этаётган “Ислом Каримов музейи” фондини ва соҳани янги маълумотлар билан тўлдириш ҳамда кенг оммага тақдим этиш имконини берган;
Ўзбекистонда бозор иқтисодиётига ўтиш шароитида объектив ва субъектив сабаблар туфайли юзага келган муаммолар ижтимоий-демографик жараёнларга таъсир кўрсатди. Аҳоли ўсиш суръатларининг юқорилиги ва кўп фарзандлилик, ишсизлар сонининг ортиб бориши, аҳолининг аксарият қисми қишлоқларда яшаши, барқарор даромаднинг йўқлиги, ҳудуднинг суст иқтисодий ривожланганлиги, меҳнат миграцияси муаммолари эътибордан четда қолиб келганлигига оид илмий натижалардан ЎзМТРК “O’zbekiston tarixi” телеканалида эфирга узатилган “Мавзу” кўрсатувининг сценарийсини тайёрлашда фойдаланилган (ЎзМТРК “O’zbekiston” телерадиоканали ДУКнинг 2022 йил 24 августдаги 02-31-1388-сон маълумотномаси). Тадқиқот натижаларининг жорий этилиши кенг жамоатчилик орасида Ўзбекистоннинг ижтимоий-иқтисодий ривожланиш ҳолати, кузатилган камчиликлар, соҳадаги муаммолар ва ютуқлар ҳақидаги билимларини бойитишга хизмат қилган.
Тадқиқот натижаларининг апробацияси. Тадқиқот натижасида олинган хулоса ва таклифлар 9 та илмий-амалий йиғинларда, жумладан, 2 та халқаро ва 7 та миллий йиғинларда муҳокамадан ўтказилган.