Дуал таълим принципларини жорий этиш модули бўйича ЎҚув-услубий мажмуа

1. ШАРТНОМА ПРЕДМЕТИ.

1.1 ____________________________________________________ касб (мутахассислик) бўйича дуал таълим асосида малакали кадрлар тайёрлашни ҳамкорликда амалга ошириш мажбуриятини оладилар.

1.2 Ўқувчини меҳнат фаолияти иштирокчисига айлантириш орқали таълим дастурининг назарий, ўқув-амалий қисми профессионал таълим муассасасида, малака ҳамда компетенцияларни шакллантиришни ишлаб чиқариш билан боғлиқ амалий қисм корхона (ташкилот)да ташкил этиш.
2. ТОМОНЛАРНИНГ МАЖБУРИЯТЛАРИ.
2.1. Корхона:
Таълим муассасаси билан ҳамкорликда дуал таълим дастурини амалга ошириш бўйича чора-тадбирлар режаси ишлаб чиқади ва амалга оширади;
Дуал таълимнинг муддатлари ҳамда корхона (ташкилот)га юборилаётган ўқувчилар таркиби бўйича таълим муассасаси билан келишади;
Дуал таълим олиш бўйича ўқувчилар билан шартномалар тузади ва таълим муассасаси билан келишилган муддатларда ўқувчиларни қабул қилади;
Ҳар бир ўқувчи(лар)га дуал таълим дастурининг ишлаб чиқариш билан боғлиқ амалий қисмини ўргатиш учун юқори малакали мутахассис уста бириктиради;
Ўқувчига дуал таълим жараёнида корхона (ташкилот)даги меҳнат фаолияти учун қонун ҳужжатларига мувофиқ иш ҳақи тўлайди;
Корхона (ташкилот)да дуал таълим дастурининг ишлаб чиқариш билан боғлиқ амалий қисмини амалга оширилишини таъминлайди ва етарли шарт-шароитлар яратади.
Таълим муассасаси билан ҳамкорликда ишлаб чиқилган таълим дастурларига мувофиқ ўқувчи томонидан ўзлаштирилган ўқув модуллари асосида касб (мутахассислик) бўйича ўқитиш натижалари (компетенциялар)ни баҳолаш жараёнини ташкил этади;
Ўқувчининг касб (мутахассислик)лари бўйича якуний давлат аттестациясида иштирок этади;
Таълим муассасаси билан биргаликда ўқитишнинг дуал тизимида таълим берилганлиги бўйича ҳисоботларни тайёрлайди.
2.2. Таълим муассасаси:
Корхона (ташкилот) билан бирга касб (мутахассислик)лар бўйича Олий ва ўрта махсус таълим вазирлиги томонидан тасдиқланган таълим дастурлари асосида дуал таълим бўйича ўқув меъёрий ҳужжатларни ишлаб чиқади ва тасдиқлайди;
Корхона (ташкилот) билан дуал таълим бериш бўйича ўқитиш муддатлари ҳамда таълим олувчи ўқувчиларнинг рўйхатини тасдиқлайди;
Дуал таълимни ташкил этиш, ўқувчиларни корхона (ташкилот)га юбориш, ҳар бир ўқувчилар гуруҳига ишлаб чиқариш таълими устаси ёки ўқитувчини бириктириш бўйича буйруқни расмийлаштиради;
Дуал таълим дастурини амалга оширишни таъминлайди;
Ўқитувчилар ва ишлаб чиқариш таълими усталарининг фаолиятини назорат қилади ва улар томонидан белгиланган тартибда таълим жараёни ташкил этилишини таъминлайди;
Ўқувчи кундалиги юритилишини назоратини олиб боради;
Корхона (ташкилот) билан ҳамкорликда ўқувчиларнинг баҳолаш жараёнини ва якуний давлат аттестациясини белгиланган тартибда ташкил этади;
Корхона (ташкилот) билан келишилган ҳолда дуал таълим натижалари юзасидан ҳисоботларни тайёрлайди ва Қорақалпоғистон Республикаси, вилоятлар ва Тошкент шаҳар касбий таълимни ривожлантириш ва мувофиқлаштириш ҳудудий бошқармаларига тақдим этади.