Э. Т. Ахмедов, Э. Т. Бердиев доривор ўсимликларни

Кана кунжут ўстириш агротехникаси. Ўзбекистоннинг суғорила-
диган ерларида бир йиллик ўсимлик ҳисобланади. Кана кунжут Eupho-
reiaceae оиласига мансуб, баландлиги 2 м.га етадиган ўт ўсимлик. Ўзи-
нинг ватанида кўп йиллик, баландлиги 10 м.га етадиган дарахт. Совуққа 
жуда чидамсиз, табиий ҳолатда тропик ва субтропикларда (Африка ва 
Осиё) ўсади. 
Бу ўсимлик Қадимги Мисрда милоддан аввал VII-асрда ҳам маълум 
бўлганлиги аниқланган. Иссиқсевар бўлгани учун майсалари –1°С да, 
катта ўсимликлар эса –3°С–4°С совуқда нобуд бўлади. Канакунжутни 
Республикамизнинг жанубий вилоятларида ва самарадорлик ҳарорати 
юқори, сув етарли бўлган ерларга ўстириш мақсадга мувофиқдир. 
Унинг ўсиш даври 120-150 кун. Ўзбекистонда асосан “Херсонская-
10”, “Краснодар” навлари экилади. 
Канакунжутни кузги дон экинларидан бўшаган ерларга экиш тавсия 
этилади. Экиш учун ерларни кузда 27-30 см чуқур ҳайдаб шудгор қилиб 

---

54 
қўйилади. Шудгор олдидан ер майдони Га-ҳисобида 10-15 т чириган 
гўнг ва 50-60 кг фосфорли ўғитлар билан озиқлантирилади. Эрта баҳор-
да ерлар бороналанади ва 1-2 марта культивация қилинади. Тупроқ ҳа-
рорати 10-12°С га етганда уруғларни экиш мумкин. Бу муддат апрел ой-
ларининг бошларига тўғри келади. Уруғлар қаторлаб экилади. Қатор 
оралари 70 см, экиш схемаси 70 20 см, уруғ СУПН-8, СПЧ-6 МФ ёки 
маккажўхори ва чигит экиладиган сеялкаларда гектарига 50-80 минг до-
на унувчан уруғ экилади. Ўсимлик туп сони 30-40 минг/га, кам шохла-
надиган навлари учун 50-60 минг/га. Уруғларнинг экиш чуқурлиги 6-8 
см бўлиши лозим. 
Бегона ўтларга қарши экишдан олдин 2,4Д500 (1,6-2,0 л/га) билан 
ишланади. Майсаланиш бошланганида қатор ораларига ишлов берилади 
ва 2-3 марта суғорилади. Гуллаш ва мевалаш фазасида икки марта суғо-
рилади. Ўсимликда 4-5та чин барг ривожланганда асосий поя ва ён шох-
ларининг учлари чилпилади. Бу ўсимликнинг яхши шохланиб шаклла-
нишини таъминлайди.
Канакунжутни озиқлантириш суғоришдан олдин амалга оширилади 
ва ўсиш даврида 2-3 марта озиқлантирилади. Биринчи озиқлантириш 
уруғлар униб чиққандан кейин (Га - ҳисобида 40 кг дан азот ва 20 кг ка-
лий) амалга оширилади. Иккинчи ва учинчи марта озиқлантириш гул-
лаш ва мева ҳосил қилиш даврида (50-60 кг азот, 20 кг фосфор ва 30 кг 
калий ўғити) тавсия қилинади.
Умуман вегетация давомида 90-100 кг азот, 70 кг фосфор ва 50 кг 
дан калий ўғитини қўллаш унинг ўсиши ва ривожланишини таъминлай-
ди ҳамда ҳосилдорлиги юқори бўлади. Ўсимликни бир маъромда ети-
иштириш мақсадида, дефоляция қилинади. Барглари 8-10 кундан кейин 
қурийди ва тўкилади. Ўзбекистоннинг иқлим шароитида кана кунжутни 
сунъий равишда баргини тўкмаса ҳам яхши етилади. 
Ўсимликнинг хом-ашё маҳсулоти уруглари ҳисобланади. Унинг 
ҳосилини ККС-6, ККС-9 комбайнлари ёрдамида йиғилади ёки шингил-
лари кесиб олинади, қуритилади, ёрилади ва дон тозалаш машиналарида 
тозаланади. Сақланадиган уруғларнинг намлиги 8% дан ошмаслиги ло-
зим. Бизнинг шароитимизда ҳар гектар суғориладиган ерлардан 20-25 
ц.дан ҳосил олиш мумкин.