Э. Т. Ахмедов, Э. Т. Бердиев доривор ўсимликларни

Маккажўхори ўстириш агротехникаси. Маккажўхори иссиқсевар 
ўсимлик, ўсув даври 90-150 кун, уруғлари тупроқ ҳарорати 10°С бўлган-
да 10-12 кунда униб чиқади, 20-24°С да нормал ўсиб ривожланади. Мак-
кажўхори экиш учун бегона ўтлардан тоза, шўрланмаган, сизот сувлари 
чуқур жойлашган унумдор ерлар танланади. Ерлар кузда 28-30 см чу-
қурликда шудгорланади, гектарига 20-30 т. гўнг ва 60-80 кг соф фосфор 
ҳисобидан ўғит солинади. Эрта баҳорда ерлар бороналанади ёки ёппа-
сига культивация қилинади. Уруғлар қатор оралари 60, 70 ва 90 см қи-
либ қатор уялаб, кўк масса учун 25-30 кг. нормада СКГН-6Н маркали 
сеялкада 6-12 см чуқурликда экилади. Ўсув даврида 70-80 кг азот, 60-80 
кг фосфор билан озиқлантирилади. Маккажўхорини иккинчи марта 80-
100 кг азот, 50-60 кг фосфор, 40-50 кг калий ҳисобидан озиқлантирила-
ди. 
Маккажўхорини вегетация даврида 2-3 марта культивация қилиниб 
бегона ўтлардан тозаланади, 4-6 марта суғорилади. Маккажўхори кўка-
ти учун рўвак чиқаргунча, силос учун дони думбул бўлиб етилганда ва 
дони учун тўла етилганда йиғиштирилади.Маккажўхори ўртача гекта-
ридан 50 ц. дон, 250-300 ц. кўк масса ва 120-130кг оналик попуги олиш 
мумкин. 
Маккажўхорини зарарлайдиган ҳашаротларнинг 70 га яқин тури 
бор. Асосийлари: кўсак қурти, карадрина, кузги тунлам, маккажўхори 
капалаги ва бошқалар. Бу ҳашаротлар маккажўхорини барги, сўтаси, гу-
ли ва рўвакларини зарарлайди. Буларга қарши курашиш учун ерлар 
чуқур ҳайдалиб, куз-қишда яхоб суви берилиши керак. Асосан ўсимлик 
қолдиқлари ва бегона ўтлар йўқотилиши лозим. Маккажўхорини 
эртароқ экилса, ўз вақтида ораларига ишлов берилса ва инсектицидлар-
дан фойдаланилса мақсадга мувофиқ бўлади. 
Ўсимликнинг хом-ашё маҳсулоти оналик гулининг устунчаси (мак-
ка попуги, рильца) ҳисобланади. Ўсимлик меваси пишиб етилмасдан 
оналик гулининг устунчаси йиғиб олинади ва соя ерда қуритилади.