Э. Т. Бердиев, Э. Т. Ахмедов табиий доривор ўсимликлар

Арпабодиён (Анис обыкновенный) – Anisum vulgare Gaertn. 
Арпабодён Сельдердошлар (соябонгулдошлар) – Apiaceae оиласига 
мансуб бир йиллик ўт ўсимлик ҳисобланади. Пояси тик ўсади, кўп қир-
рали, юқори қисми шохланган, бўйи 30-60 см га етади. Илдиз олди ва 
поясининг пастки қисмидаги барглари узун бандли, юмалоқ, буйракси-
мон, тухумсимон ёки бўлакли ва йирик тишсимон қиррали, ўрта қисми-
дагилари – узунбандли, учбўлакли (бўлаклари ромбсимон), аррасимон 
қиррали, юқори қисмидагилари қинли, 2-6 бўлакка патсимон қирқилган 
ёки наштарсимон бўлади. Барглари пояга кетма-кет ўрнашган. 
Майда, кўримсиз, оқ рангли гуллари мураккаб соябонга тўплан-
ган. Меваси – қўшалоқ писта. Арпабодиён Россия, Украина ва Шимо-
лий Кавказда хамда зиравор ўсимлик сифатида Марказий Осиёда кўп 
ўстирилади. Арпабодиённинг тиббиётда меваси ишлатилади. Меваси 
таркибида 67% гача эфир мойи, 8-28,4% ёғ, оқсил ва бошқа моддалар 
бор. Эфир мойи 80-90% анетол, 7-10% метил хавикол, анис альдегиди, 
анис кислотаси ва бошқа бирикмалардан ташкил топган. 
Меваси ва эфир мойи балғам кўчирувчи (бронхит, трахеит, ларин-
гит, кўкйўтал, нафас йўлларининг яллиғланиш касалликларида), ичак 
фаолиятини кўчайтирувчи, ел хайдовчи (метеоризм) ва сурги дори си-
фатида қўлланилади. Меваси ич юмшатувчи ва кўкрак оғриғига қарши 

---

97 
ишлатиладиган чойлар–йиғмалар, шунингдек эфир мойи, новшадил, 
арпабодиён томчиси ва кўкрак эликсири таркибига киради. Эфир мойи 
доришуносликда дори таъмини яхшилаш учун ишлатилади. 
 
36-расм. Арпабодиён (Анис обыкновенный) – Anisum vulgare Gaertn. 
 
Арпабодиён мевасидан тайёрланганда меъда-ичак касалликларини 
даволашда хамда иштаха очувчи, балғам кўчирувчи, ел, ўт ва сийдик 
хайдовчи, терлатувчи хамда енгил сурги сифатида халқ табобатида 
қадимдан ишлатилиб келинади. Шу мақсадлар учун арпабодиён мева-
сидан Ибн Сино хам ўз вақтида кенг фойдаланган. 
Арпабодиён меваси ва ундан олинадиган эфир мойи озиқ-овқат 
саноатида, эфир мойидан ажратиб олинган анетол эса парфюмерияда 
қўлланилади.

---

98