Э. Т. Бердиев, Э. Т. Ахмедов табиий доривор ўсимликлар

Арслонқуйруқ (Пустырник) – Leonurus L. 
Арслонқуйруқ турлари ясноткадошлар (лабгулдошлар) – Lamiaceae 
(Labiatae) оиласига мансуб бўлиб, бўйи 50-150 (200) смга етадиган кўп 
йиллик ўт ўсимлик. Пояси бир нечта, тик ўсади, шохланган, тўрт 
қиррали. Барглари тухумсимон бўлиб, беш бўлакка қирқилган, юқори-
дагилари чўзиқ эллипссимон 3
бўлакка қирқилган бўлиб, пояси билан 
шохларида банди ёрдамида қарама-қарши ўрнашган. 
 
37-расм. Арслонқуйруқ (Пустырник сердечный) – Leonurus cardiaca L. 
 
Пушти, пушти-бинафша рангли, беш бўлакли, икки лаблигуллари 
ўсимликнинг юқори қисмидаги барглари қўлтиғида халқа шаклида жой-
лашиб, бошоқсимон тўпгулни хосил қилади. Меваси – тўртта ёнғоқча. 

---

99 
Арслонқуйруқ июнь-август ойларида гуллайди, меваси июль-сентябр-
да етилади. Арслонқуйруқ турлари МДХ давлатларида Европа қисми, 
Кавказ ва Ғарбий Сибирдаги ахоли яшайдиган жойларга яқин ерларда, 
бўш ётган жойларда, экинзорларда ва бошқа ерларда ўсади. 
Тиббиётда арслонқуйруқнинг икки тури: беш бўлакли арслонқуйруқ 
– пустырник пятилопостной – Leonurus Quinquelobatus L. ва оддий арс-
лонқуйруқ – пустырник сердечный (обыкновенный) – Leonurus cardiaca 
L. қўлланилади. Ўзбекистонда туркистон арслонқуйруғи (Leonurus 
turkestanicus V. Krees. et. Kupr.) тарқалган, унинг баландлиги 40-150 
смга етадиган ўт ўсимлик.
Тиббиётда арслонқуйруқ турларининг ер устки қисми ишлатилади. 
Ўсимлик гуллаган даврида поясининг юқори қисми 30 - 40 см узунликда 
ўриб олинади ва соя ерда қуритилади. 
Арслонқуйруқ турларининг ер устки қисми таркибида флавоно-
идлар (рутин, кверцетин ва квинквелозид), 0,4% алкалоидлар, эфир 
мойи, С витамини, каротин, қандлар, 9% гача ошловчи, аччиқ ва бошқа 
биологик фаол моддалар бор. Арслонқуйруқ препаратлари тинлантирувчи 
хусусиятга эга.