Электр қурилмаларини эксплуататция қилишда

§ 7. Бригадалар билан вақтинчалик юқори частотали алоқа 
465. Кўчма юқори частотали алоқа постларини монтаж қилиш ва демонтаж қилиш 
икки кишидан кам бўлмаган бригада аъзолари томонидан амалга оширилади, улардан 
бири IV гуруҳга, бошқаси эса III гуруҳга эга бўлиши шарт. 
466. Антенна 110 кВ кучланишгача бўлган ҲЛларидаги пастки симдан камида 3 метр 
масофада, 154 ва 220 кВ кучланишли ҲЛларидаги пастки симдан эса 4 м масофада 
маҳкамланиши зарур. Антенна симларини осилиши ҲЛ симларининг осилишидан бўшроқ 
бўлиши керак. 
467. Антеннани осишдан олдин пост билан биргаликда антенна ғалтаги 1-1,5 м 
баландликда таянчга маҳкамланиб, ерга улаб қўйилиши зарур. 
Антенна симини постга кирадиган учи ушбу пост ичидаги дроссель орқали, ҳамда 
дроссель билан параллел уланган ерга улагич пичоғи орқали ерга уланиши зарур. 
Дроссель билан параллел 1 кВ кучланишли разрядник уланиши шарт. 
Антеннани эҳтиѐткорлик билан, аста-секин силкитмасдан тортиш зарур. 

---

94 
468. Антеннани кўтариш ва тушириш жараѐнида икки таянч оралиғи ўртасидаги 
трассанинг четида турган бир ходим антенна симини кучланиш остидаги ҲЛ симига 
мазкур Қоидаларининг 466 бандида кўрсатилган масофадан кам масофага яқинлашмас-
лигини назорат қилиб туриши зарур. Кўтарилаѐтган антенна сими тагида туриш ман 
қилинади. 
469. Антеннани тyширишдан аввал уни ерга улагич пичоғи ѐки кўчма ерга улагич 
ѐрдамида ерга улаш зарур. 
§ 8. ДТБВ нинг аппарат хоналари 
470. Электростанция ва подстанция электр қурилмаларининг аппарат хоналарига 
ўрнатилган алоқа ускуналарида ишлаш, уларни тармоққа улаш ва тармоқдан узиш ва 
шунингдек телефон алоқаси, радиотранслация аппаратларини таъмирлаш ишлари III 
гуруҳга эга бўлган бир ходим томонидан амалга оширилиши мумкин. 
471. Ҳаво ва кабел алоқа тармоқлари уланган ва уларни улаш-синаш устунлари, 
масофадан бошқариладиган манба устунлари, кучланишни автоматик ростлаш устунлари, 
ток тақсимлаш устуни олдидаги ерга резинкали диэлектрик гиламча тўшалган ѐки 
изоляцион тахта супа қўйилган бўлиши шарт. 
472. Масофадан бошқариладиган манбадан электр токи олаѐтган ускуналар 
ғилофларига улар кучланиш остида эканлигини огоҳлантирувчи ҳимоя белгилари буѐқ 
билан тyширилган бўлиши шарт. 
473. Қидирув контактларини (контакт майдонларини) ва релеларни ювиш, фақат 
улардан кучланиш олингандан кейингина бажарилиши зарур. 
474. Ускуналарни тозалашда банди металл билан ўралган чўткадан, ҳамда чанг 
ютгичларнинг учи металлдан қилинган шлангаларидан фойдаланиш ман қилинади. 
475. Аппаратлардаги лампаларни, фақат улардан кучланиш олингандан кейингина 
алмаштириш керак. 250 В кучланишгача бўлган лампаларни кучланиш остида ҳимоя 
воситаларини қўллаб алмаштиришга рухсат этилади. 
476. Кириш-синаш устунларига ѐки кросснинг ҳимоя чегарасига уланган алоқа 
тармоқларида 42 Вдан юқори бегона кучланиш пайдо бўлса (электр узатиш тармоқлари, 
масофадан бошқариладиган манба аппаратураси ва ҳоказолар орқали), навбатчи ходим 
бундай тармоқни ҳимоя воситари ѐрдамида ўчириши ва изоляция қилиб қўйиши шарт. 42 
Вдан юқори бегона кучланиш найдо бўлганлиги тўғрисида yшбу корхона навбатчиси ѐки 
у бўлмаган тақдирда юқори ташкилот навбатчиси хабардор қилиниши керак. 

---

95 
Зарядсизлагичлар ва сақлагичлар фақат чет кучланиш бўлмагандагина алмаштирилиши 
мумкин. 
477. Ҳаво электр узатиш линиялари ва ўзгарувчан ток билан ишлайдиган 
электрлаштирилган темир йўл таъсирига тушадиган алоқа тармоқлари аппаратларидаги 
ишлар, тармоқ ҳимоя ускуналарини алмаштириш диэлектрик қўлқопда (ѐки изоляцион 
дастакли омбир ишлатиб) ва ҳимоя кўзойнагини тақиб, изоляцион диэлектрик гиламча 
тўшаб бажарилиши шарт. 
478. Маҳаллий телефон станцияси коммутатори ва автоматик телефон станциясини 
узатиш устунидаги телефонистларни иш жойи акустик зарбадан чеклагич билан ҳимоя 
қилинган бўлиши зарур. Момақалдироқ пайтида телефонистлар микротелефон гарнитури 
ўрнига микротелефон трубкасидан фойдаланишлари керак.