Elektromobil

---

ELEKTROMOBIL

Nutqiy mavzuning maqsadi: oʻquvchilar ongida kamxarj, ekologik bezarar 
avtomobillar haqida tasavvur hosil qilish va unga oid til birliklarini nutqida 
faollashtirish; avtomobil rusumlarini ifodalovchi nomlar, ularning talaffuzi va 
imlosi. Qisqartma soʻzlar imlosi, qisqartma soʻzlarni hosil qilish; belgili va belgisiz 
qoʻllanadigan kelishik shakllari; kelishik shaklidagi soʻzlarga toʻgʻri soʻroq 
berishning ahamiyati; infografika asosida berilgan maʼlumotlarni ogʻzaki ifodalash. 
 
1-soat 
Dars jarayoni 
Kirish. 
1. Sizningcha, elektromobil soʻzining maʼnosi qanday? 
2. Avtomobil va elektromobil oʻrtasida qanday farq boʻlishi mumkin?
Asosiy qism. 
Yozma nutq. Tahlil. 
Ushbu chizmani xattaxtada toʻldiring. 
Mazkur topshiriq oʻquvchilarda ikki narsani oʻzaro taqqoslash, fikrlarini 
tartiblab ifodalash koʻnikmasini shakllantiradi. Oʻquvchilar oʻz shaxsiy kuzatishlari 
hamda ushbu birliklarga oid tushunchalari asosida ushbu chizmani toʻldirishlari lozim. 
Bunda avval oʻqituvchi tomonidan ushbu “Vin diagrammasi” va unda
maʼlumotlar qanday joylashtirilishi haqida maʼlumot beriladi. Soʻngra, oʻquvchilar 
tartib bilan chiqib, ushbu birliklar haqidagi fikrlarini jadvalga kerakli oʻrniga yozishlari 
aytiladi. 
Morfologiya. 
Avtomobil qismlari qanday atalishini bilasizmi? Quyidagi soʻzlarni kerakli 
oʻrinlarga qoʻying. 
 
Ushbu topshiriq oʻquvchilarning lugʻat boyligini oshirishga qaratilgan. 
Oʻquvchilar berilgan soʻzlarni oʻqib, uni rasm bilan moslashtirib aytishlari lozim. 
Bunda oʻquvchilar lugʻatdan foydalanishlari mumkin. Asosiy eʼtibor rasmni 
koʻrsatgan holda soʻzlarni izohlab, tasvirlab aytishlariga qaratiladi.