Erkaklar Nega "yomon"

Maftunkorlik omili №2 
Erkaklar ularni deb devor oshishga tayyor ayollar alohida sifatga ega bo`lishlari 
mutlaqo shart emas.
Odatda bunday ayollarni qarama-qarshi jins vakillari bilan ishiyam yo`q. Gap
erkaklar bilan qandaydir o`yin o`ynash yoki ularni o`z nog`orasiga o`ynatish haqida 
ketmayapti. Siz avval aniqlab oling, siz haqiqatda ham talabchan va munosabatlarga 
tobemisiz yoki teng huquqli munosabatlar tarafdorimisiz? Muhimi har qanday 
munosabatlarda aslingizni saqlab qolishingiz, erkak uchun o`zlikdan kechmaslik. Agar 
xatti-harakatingiz bilan erkakka uning istaklariga bo`ysinishingizni bildirib qo`ysangiz 
nima bo`ladi? Shu zahotiyoq u sizni umidsiz holatda deb xulosa chiqaradi va qancha 
pastka tushishga tayyor ekaningizni ko`rishni istab qoladi. Inson tabiati shunaqa, 
darrov sinab ko`rgisi keladi. Siz qanchalik yuvvosh bo`lsangiz, uning talablari shunchalik 

---

8 
ortib boraveradi. U sizni “dyurasel” batareykasidek qabul qiladi. “Qanchaga 
chidarkinsiz-a?” “Sizdan yana nimalarni olish mumkin?”degan savollar qiziqtiradi uni. 
Yaxshi qizlar erkaklar bilan munosabat o`zlari istagandek bo`lishi uchun yomon qizlar 
allaqachon egallagan bilimlarni bilishlari shart. Ko`nglini olish, istaganini muhayyo 
qilishga urinishingiz bilan erkaknig sizga bo`lgan hurmatini so`ndirasiz. Uning nazdidagi 
husni malohatingizni o`z qo`lingiz bilan barbod qilasiz. O`rtangizdagi munosabatning 
esa kelajagi yo`q, faqat uni yana qanchagacha cho`zishingiz mumkinligi ma`lum emas. 
Ko`pchilik erkaklar ularga yoqish uchun har kuyga tushadigan ayollarni yurakka o`t 
yoqadiganlar qatoriga qo`shishmaydi. Ziyoli ayol u bilan siyosat yoki iqtisod haqida 
suhbatlashib, erkakni aql bilan qo`lga kiritish mumkin deb oy`lab xato qiladi. “Aqlni 
shoshirish”ning umumiy mavzudagi suhbatlarga hech qanday aloqasi yo`q. Aqlini 
shoshira olishingiz siz erkakdan hurmat kutishingiz mumkinmi yo yo`qligini aniqlab 
beradi. Buni sizning unga bo`lgan munosabatingiz va uni yo`qotishdan 
qo`rqmasligingizni anglashi belgilab beradi, aqlli suhbatingiz emas.
Yaxshi qizning xatosi esa erkak unga istagan vaqtida erishishi mumkinligini sezdirib
qo`yishidadir. Men sen bilan o`yin o`ynashni istamayman deyishi bilan uni 
yo`qotishdan qo`rqishi ayon bo`ladi. Ana shunda erkak ayolga 100 foiz erishdim deb 
hisoblaydi. Aynan shu vaqtdan boshlab ayolda “Uning menga vaqti yo`q, u avvalgidek 
romantik emas”, degan nolishlar davri boshlanadi. 
U bilan bo`g`lanish borasida bizning qahramonimiz juda talabchan. U istasa u bilan 
bo`glana olasiz, uchrasha olasiz, istamasa yo`q. Buni u belgilaydi, erkak emas. Ammo 
erkak kim bilandir uchrashgisi kelganda birinchi bo`lib xayolga keladigan darajada 
maftunkor. Chunki u xushiga kelib qolsa, uchrashishga rozi bo`ladi-da. Bundan kelib 
chiqadiki, ayol erkakka to`laligicha tegishli emas, ya`ni u erishilmagan marra.
Bir martagina ko`rishish uchun har narsaga tayyor ayol haqida nima deyish mumkin? 
Uning hech qayerga ketmasligini erkak aniq biladi. Ikkita uchrashuvdan keyin erkak 
do`stlari bilan uchrashadi, ishida ushlanib qo`ladi, qo`ng`iroq qilib belgilangan 
uchrashuvni keyinga qoldiradi. Ayol erkak bilan uchrashish uchun tunda qayerdandir 
yetib kelganida unga “yetkazib berish xizmati” degan neon lampali yorliq yetishmaydi 
xolos.