Фанидан (лаборатория машғулотлари учун)

Иш анжомлари. Препаровка учун асбоблар йиғиндиси, секундомер, Рингер эритмаси, бақа.
Ишнинг бориши: Бақани ҳаракатсизлантириб, юраги очилади ва ҳар бир қисмининг қандай кетма – кетликда қисқараётгани кузатилади. Юракнинг бир минутдаги қисқаришлари саналади ва Станниусни биринчи лигатураси қуйилади. Бу лигатура (ёки ип деса ҳам бўлади) веноз синуси тугуни ажратиб қўйилади, яъни синус билан бўлмачалар ўртасига қўйилади, яъни синус тугуни ажратиб қўйилади. Натижада синусдаги импульслар бўлмачаларга ўта олмайди. Нима юз бергани кузатилади ва синуснинг қисқаришлари сони ёзиб олинади (саналади). Бунда синус аввалги ритмида қисқараверади, бўлмачалар ва қоринчалар эса тўхтаб қолади. Бир неча вақтдан кейин уларнинг ҳам автоматия даражаси намоён бўлади, лекин пастроқ ритмда. Бунинг учун камида 10 минут вақт кетиши сабабли кутиб ўтирилМНСдан, иккинчи лигатурани қўя бошлаш мумкин. Станниусни иккинчи лигатураси атриовентрикулятор тугун соҳасига, яъни бўлмачалар билан қоринчалар ўртасига қўйилади. Агар лигатура тўғри қўйилган бўлса қоринчани қисқариши дарҳол тикланади. Одатда, атриовентрикулятор тугун автоматияси синусникига нисбатан икки марта камроқ (бу автоматия градиенти деб аталади). Агар лигатура атриовентри-кулятор тугундан юқорига қўйилса, унда автоматия маркази фақат бўлмачаларга қаратилган бўлиб, қоринча қисқармай тураверади. Станниуснинг учинчи лигатураси қоринчани пастки бўлма соҳасига қўйилади, яъни юракнинг учи ажратиб қўйилади бунда юрак учи автоматик марказлардан ажратилган бўлиб, ўзи автоматия хусусиятидан маҳрумлиги исботланади. Тажриба ёнида кўргазмалироқ чиқиш учун учинчи лигатура ўрнига юрак учини кесиб кўрсатиш ҳам мумкин. Кесиб олинган юрак учи қисқармайди, кесилмай қолган қисми эса қисқаришда давом этади. Демак, юрак учи қўзғалувчанликка эга бўлсада, лекин автоматик хусусияти йўқ.
Ишни расмийлаштиришга доир тавсиялар. Боғламлар қўйиш схемаларини чизинг. Веноз синуси, бўлмача ва қоринча қисқаришлари частотасини ўзгариши жадвалини ҳар бир қўйилган боғламдан сўнг тузинг.