Фанидан (лаборатория машғулотлари учун)

Тажриба ўтказиш тартиби. Бақа ҳаракатсизлантирилгач, кўкрак қафаси ёрилиб, юрак очилади. Юрак халтадан халос қилинади. Штативга бақали тахтача маҳкамланади ва Энгельман ричагчаси ёрдамида юрак қисқаришлари эгри чизиғи - кардиограмма ёзилади. Тик ҳолатда турган юракнинг асосига эса термод олиб келинади ва у орқали ҳар хил ҳароратдаги сув ўтказилади (4-8⁰С, хона ҳароратидаги ва 37⁰ С) ва ёзиш давом эттирилади .
Шундай усул билан юракнинг бошқа қисмларига (қоринчаларга) термод билан таъсир қилиш орқали юрак қисқаришлари сонига ҳарорат таъсирини текшириш ўтказилади.
Ҳарорат таъсири тўхтагандан сўнг организмдан юрак ажратилади, бунинг учун олдиндан аорта ёйлари боғланиб, боғлам юқорисидан кесилади. Веноз синусини жароҳатламаслигини таъминлаган ҳолда ковак веналар кесилади. Агар ажратилиш тўғри бажарилган бўлса, унда бақа танасидан кесиб ажратиб олинган ва физиологик эритмага туширилган юрак узоқ вақт ишлай олади.
Ишни расмийлаштиришга доир тавсиялар. Автоматизм тавсифини беринг ва асосий автоматизм марказларининг жойланиш схемасини дафтарингазга чизинг. Олинган кардиограммани қайдномага ёпиштиринг. Уларга баҳо беринг.
22-ИШ. БАҚА ЮРАГИНИ ТУРЛИ ҚИСМЛАРИНИ АВТОМАТИЯ ДАРАЖАСИНИ ЎРГАНИШ – СТАННИУС ТАЖРИБАСИ.

Ишдан мақсад: Қуйидагиларни исботловчи Станниус тажрибасини такрорлаш.

1. 
   Асосий автоматия марказларини жойлашиши.
   
2. 
   Автоматия градиентини мавжудлиги.
   
3. 
   Юрак автоматияси марказларини жойлашиши.
   

Юрак ритмик равишда қисқаришларни таъминловчи импульслар юракнинг ўзида ҳосил бўлади. Юракни қисқартира оладиган импульслар дастлаб қаерда ҳосил бўлган? Унинг ҳамма қисмлари ҳам бир хил автоматия даражасига эгами? Каби саволларга биринчи марта Станниус тажрибаси жавоб беради. Бу тажриба кетма–кет юрак қимсларини бир – биридан ажратиб қўювчи 3 та лигатура қўшишдан иборат. Тажриба бошланМНСдан аввал бақа юрагини тузилиши билан танишиб чиқмоқ керак. У иккита бўлмача ва қоринчадан иборат бўлиб, унинг бўлмачага веноз синуси ёндош туради.