Gazlarni namligi deb gazni tarkibidagi namlikni massa miqdorini (kg) quruq gazni massa miqdoriga nisbatini tushunamiz.
Absolyut namlik deb nam gazning tarkibidagi suv bug’ining partsial bosimining o`lchamini tushunamiz, yoki 1 m3 nam gazning tarkibidagi suv bug’ining miqdorini (gramm) tushunamiz.
Nam gazning temperaturasi +16,5oC ga teng bo`lganda suv bug’ining partsial bosimini simob ustuniga teng bo`lgan o`lchami 1m3 gazning tarkibidagi suv bug’i massasining gramm miqdoridagi o`lchamiga tengdir.
Gazning nisbiy namligi deb gazning tarkibidagi suv bug’ining massasini (% yoki qismi), shu temperaturadagi gazning tarkibida hosil bo`luvchi to`yingan suv bug’ining massasiga nisbatini aytamiz.
Nam gazning tarkibida suv tomchilarini ajralib chiqish temperaturasini shudring hosil bo`lish tochkasi deymiz.
Namsizlantirishning fizikaviy asoslari. Tabiiy va neft’ gazlarini namsizlantirish absorbtsiya yoki adsorbtsiya usullari bilan bajariladi. Xar bir usulning o`ziga hos afzalligi va kamchiligi bor.
Absorbtsiya usulining kimyoviy va fizikaviy turlari bor. Fizikaviy absorbtsiyada jarayon suv buglarining gaz fazasidagi partsial bosimining o`lchamiga tenglashguncha davom etadi.
Absorbent sifatida asosan dietilenglikol’ va trietilenglikollar ishlatiladi. Jarayonning samaradorligi temperaturaga va absorbentning kontsentratsiyasiga bog’liq.
Absorbentlar tuyingandan keyin ularning tarkibidagi suvni xaydash uchun DEGni 164oC va TEGni 206 oC gacha qizdiriladi. Bu jarayonda absorbentni tarkibida 2-3 % suv qoladi. Suvni qolgan qismini ham haydash uchun desorberda 400-600 mm simob ustunigacha vakuum hozir qilish kerak. Vakuumni bir necha usul bilan olinadi. Bundan tashqari suv qoldig’ini azeotrop usul bilan xaydsh mumkin. Buning uchun DEG ga benzol, toluol, ksilollar, geptan, izooktan va shularga o`xshash uglevodorodlardan birini berilsa, ular suv qoldig’i bilan azeotrop hosil qilib olib chiqib ketadi.
1 BOB. TEXNOLOGIK JARYONNING BOSHQARISH OB’YEKTI SIFATIDA TAHLILI.
Do'stlaringiz bilan baham: |
