Farg’ona viloyat hokimligi

Buyuk bobolar so`zlaridan:

Donolar mastlik qilmas,

Oqillar sharob ichmas.
O’zin bilgan har kishi
Pastlikka qadam qo’ymas.
Sanoiy
Pul yo`qotding , hech nima yo`qotmading.
Vaqt yo`qotding ko`p narsani yo`qotding.
Sog`likni yo`qotding –barchasini yo`qotding.
Aql va sog`lik barcha narsadan qadrli.
Ketma ket mast bo`lish juda yomondirki, jigarning va miyaning mijozini buzadi, asabni kuchsiz qiladi. Sakta (miyaga qon quyilishi ) kasalligini paydo qiladi va to`satdan o`lim yuz berishiga sabab bo`ladi. Ibn Sino

Ketma ket mast bo`lish o`z ixtiyori bilan aqldan ozish demakdir.

Har qanday kasallikni davolagandan ko`ra , uning oldini olish osonroqdir.
Tamaki g`am-anduhni bosadi-yu, lekin kuch-quvvatni muqarrar susaytiradi.
Balzak

Ayanchli taqdir osmondan tushmaydi, u har kishining ahmoqligidan kelib chiqadi.

1-boshlovchi:
Hozirgi kunda O`zbekistonda yoshlarga e’tibor juda yaxshi. Ammo ularga yaratib berilgan sharoitlardan to`g`ri foydalanmay jinoyat girdobiga tushib qolayotgan yoshlarimiz ham yo`q emas . Biz hozir ana shu mavzuga bag`ishlab sahna ko`rinishi tayyorlaganmiz .Marhamat tomosha qiling.

(Sahna ko`rinishi)
Bir yolg`iz onaning yakka-yu yolg`iz o`g`li bor edi. Ona shu o`g`liga bor umidini va umrini bag`ishlagan, o`zi yemay yedirgan, kiymay kiydirgan edi. Natijada o`g`il erka va tantiq bo`lib o`sadi.
Ona: O`g`lim qayerlarda yurgan ekan , uyga kech kelyapti, oh bu bola-ya, onasi esiga ham tushmaydi.
O`g`il: Oyi, oyi qayerdasiz? Men keldim.
Ona: O`g`lim, qayerlarda yuribsan? Soat necha bo`ldi?
O`g`il: Pul topish dardida yuribman-da.
Ona: Axir puldan ham muhimroq narsalar bor dunyoda, bolam. Men kasalmand bo’lsam…
O`g`il: Bu dunyoda puldan muhim narsa bormi, oyi?
Ona: Bolam…
O`g`il: Bo’ldi, oyi, men charchaganman.
Kunlar shu zaylda o`taverdi, o`g`il uyga kelmaydigan odat chiqardi. Ona o`g`lining yo`liga ko`z tikib, ko`chada o`tirar edi.